Futbol bo‘yicha Angliya Kubogining 3-bosqichidan o‘rin olgan o‘yinda “Chelsi” 8-yanvar, shanba kuni “Chesterfild”ga qarshi bahs yuritdi.
Londonda o‘tgan o‘yinda mezbonlar katta ustunlikka ega bo‘ldi va 5-divizion vakili darvozasiga 5 ta to‘p kiritdi.“Ko‘klar”ning gollariga Timo Verner, Kallum Hadson-Odoi, Romelu Lukaku, Andreas Kristensen va Hakim Ziyesh mualliflik qildi. Mehmonlarning yagona javob to‘pi esa o‘yin tugashi arafasida Akvasi Asante tomonidan kiritildi.
Shu tariqa Tomas Tuxel boshqaruvidagi “Chelsi” Angliya Kubogining keyingi bosqichiga yo‘l oldi. 7-yanvar kuni “Manchester Siti” 4-divizion jamoasi ustidan yirik g‘alabaga erishgandi. Mazkur bosqich doirasidagi qolgan o‘yinlar 9-yanvar kuni bo‘lib o‘tadi.
Angliya Kubogi
3-bosqich bahsi
8-yanvar, shanba
“Chelsi” – “Chesterfild” 5:1
Gollar: 1:0 – 6 Verner, 2:0 – 18 Hadson-Odoi, 3:0 – 20 Lukaku, 4:0 – 39 Kristensen, 5:0 – 55, penalti Ziyesh, 5:1 – 80 Asante.“Chelsi” – Bettinelli, Kristensen (Beyker, 59), Sarr, Holl, Ziyesh, Kovachich (Loftus-Chik, 46), Saul, Pulishich (Veyl, 58), Lukaku (Haverts, 46), Verner, Hadson-Odoi (Barkli, 66).
“Chesterfild” – Louch, Ganning (Graymz, 61), Kerr, Kroll, King (Miller, 46), Uittl, Ueston, Oyeleke (Maguayr, 73), Kellermen (Asante, 66), Xan (Mendvill, 46), Tshimanga.
Ogohlantirishlar: Saul (8), King (29).
Izoh (0)