“Barselona” himoyachisi Xerard Pike “ko‘k-anorranglilar” safida oladigan maoshi haqida OAVda tarqalgan xabarlarga munosabat bildirdi.
34 yoshli Pikening kataloniyaliklar safidagi eng ko‘p maosh oluvchi futbolchi ekanligi xabar berilgandi. U soliqlar bilan birgalikda yiliga 28 million yevro maosh olishi ma’lum qilingandi.
Shundan so‘ng himoyachi Twitter sahifasida 2,3 million yevro ko‘rsatilgan bank chekini ko‘rsatdi va bu 2021-yilda olgan maoshining 50 foizi ekanligini yozib qoldirdi.
Shuningdek, “Barselona” ham jamoa a’zolarining maoshlari borasidagi xabarga o‘z munosabatini bildirib o‘tdi.
Klub futbolchilarning maoshi haqida hech qanday xabar bermagan va u qayerdan kelib chiqqani ma’lum emas.Ma’lumot uchun, Pike 2021/22-yilgi mavsumda Ispaniya La Ligasida 16 o‘yinda maydonga tushib, 1 ta golga mualliflik qildi. “Barselona” musobaqada 19-turdan so‘ng 31 ochko bilan 5-o‘rinda bormoqda.Har qanday holatda ham xabarda keltirilgan ma’lumotlar xato va haqiqatga to‘g‘ri kelmaydi. Ro‘yxat boshidagi uch futbolchi (Xerard Pike, Serxi Roberto va Xordi Alba) haqidagi qaydlar qat’iy belgilangan miqdorni bildiradi, aslida u qat’iy miqdor ham emas, balki, hech qachon to‘liq to‘lanmasligi ham mumkin.
Uchala futbolchi maoshini 100 foiz qismi kechiktirilishiga rozi bo‘lgani haqidagi xabarlar yolg‘on. Pike, Buskets va Alba 2021-yilning yozida shartnomani uzaytirayotgan vaqtda maoshining bir qismidan voz kechishga rozi bo‘lgan.
Biz ushbu xabarni noto‘g‘ri, noprofessional va vijdonsizlik deb hisoblaymiz. Ular futbolchilarimizning shaxsiy ma’lumotlari bo‘lib, qat’iy maxfiylikda saqlanishi lozim.
“Barselona” bayonoti
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)