Футбол бўйича Англия Кубогининг 3-босқичидан ўрин олган ўйинда «Челси» 8 январь, шанба куни «Честерфилд»га қарши баҳс юритди.
Лондонда ўтган ўйинда мезбонлар катта устунликка эга бўлди ва 5-дивизион вакили дарвозасига 5 та тўп киритди.«Кўклар»нинг голларига Тимо Вернер, Каллум Ҳадсон-Одои, Ромелу Лукаку, Андреас Кристенсен ва Ҳаким Зиеш муаллифлик қилди. Меҳмонларнинг ягона жавоб тўпи эса ўйин тугаши арафасида Акваси Асанте томонидан киритилди.
Шу тариқа Томас Тухель бошқарувидаги «Челси» Англия Кубогининг кейинги босқичига йўл олди. 7 январь куни «Манчестер Сити» 4-дивизион жамоаси устидан йирик ғалабага эришганди. Мазкур босқич доирасидаги қолган ўйинлар 9 январь куни бўлиб ўтади.
Англия Кубоги
3-босқич баҳси
8 январь, шанба
«Челси» – «Честерфилд» 5:1
Голлар: 1:0 – 6 Вернер, 2:0 – 18 Ҳадсон-Одои, 3:0 – 20 Лукаку, 4:0 – 39 Кристенсен, 5:0 – 55, пенальти Зиеш, 5:1 – 80 Асанте.«Челси» – Беттинелли, Кристенсен (Бейкер, 59), Сарр, Ҳолл, Зиеш, Ковачич (Лофтус-Чик, 46), Сауль, Пулишич (Вейл, 58), Лукаку (Ҳаверц, 46), Вернер, Ҳадсон-Одои (Баркли, 66).
«Честерфилд» – Лоуч, Ганнинг (Граймз, 61), Керр, Кролл, Кинг (Миллер, 46), Уиттл, Уэстон, Оелеке (Магуайр, 73), Келлермен (Асанте, 66), Хан (Мендвилл, 46), Цҳиманга.
Огоҳлантиришлар: Сауль (8), Кинг (29).
Изоҳ (0)