“Arsenal” Angliya Kubogining 3-bosqichi doirasidagi “Nottinhem Forest”ga qarshi uchrashuvda maxsus liboslarda harakat qiladi. Bu haqda “kanonirlar”ning rasmiy saytida ma’lum qilindi.
London jamoasi va Adidas kompaniyasi No More Red (ortiq hech qanday qizil rang) deb nomlangan tashabbus bilan chiqqan. Bunga 2021-yilda Londonda o‘smirlarning pichoqbozlikdan vafot etishi rekord darajaga chiqqani sabab bo‘lgan — (30 ta holat). Undan tashqari, 2020-yilning iyul oyidan 2021-yil iyun oyiga qadar poytaxtda pichoqdan foydalanish bilan bog‘liq o‘n mingta jinoyat ro‘yxatdan o‘tkazilgan. No More Red aksiyasi yordamida “kanonirlar” bu masalaga e’tibor qaratmoqchi.
https://www.instagram.com/p/CYbEuh2JLeW/
Yangi futbolkalarni sotib olib bo‘lmaydi — “Arsenal” va Adidas ularni jamiyatga foydasi tegadigan insonlarga tekinga tarqatadi. Maydondagi o‘n o‘yinchining futbolkalari esa sovuq qurol yordamida sodir etilgan jinoyatlarning sabablarini bartaraf etish bilan shug‘ullanuvchi jamoat tashkilotlariga beriladi.
Bundan tashqari, “Arsenal” va Adidas futbol o‘ynash hamda o‘rgatish bo‘yicha xavfsiz joylarga sarmoya kiritadi. Gap klub ishtirok etadigan ijtimoiy dastur haqida ketmoqda.
“Nottinhem Forest” — “Arsenal” o‘yini 9-yanvar kuni bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)