FIFA tomonidan yilning eng yaxshi futbolchisi va murabbiyiga beriladigan sovrin uchun da’vogarlarning yakuniy ro‘yxati e’lon qilindi.
Unga ko‘ra, eng yaxshi futbolchi sovrini uchun yakuniy uchlikdan Robert Levandovski (“Bavariya” / Polsha), Lionel Messi (“PSJ”, “Barselona” / Argentina) va Muhammad Saloh (“Liverpul” / Misr) o‘rin oldi.
Da’vogarlarning kengaytirilgan ro‘yxatida Karim Benzema (“Real” / Fransiya), Kevin de Bryuyne (“Manchester Siti” / Belgiya), Krishtianu Ronaldu (“Manchester Yunayted”, “Yuventus” / Portugaliya), Erling Holand (“Borussiya D” / Norvegiya), Jorjinyo (“Chelsi” / Italiya), Ngolo Kante (“Chelsi” / Fransiya), Kilian Mbappe (“PSJ” / Fransiya) va Neymar (“PSJ” / Braziliya) nomlari bor edi.
Tashkilot avvalroq 2021-yilning eng darvozaboni sovrini uchun kurashayotgan uch nomzod ro‘yxatini ma’lum qilgandi. Mazkur sovringa quyidagi darvozabonlar kurash olib boradi:
- Janluiji Donnarumma (“PSJ” / “Milan”, Italiya);
- Eduar Mendi (“Chelsi”, Senegal);
- Manuel Noyer (“Bavariya”, Germaniya).
Shuningdek, yilning eng chiroyli goliga taqdim etiladigan Pushkash sovrini uchun ham da’vogarlar ro‘yxati ma’lum bo‘lib ulgurgan. G‘oliblikka “Tottenhem” yarim himoyachisi Erik Lamelaning rabona uslubida “Arsenal”ga (1:2) darvozasiga urgan goli, Chexiya terma jamoasi hujumchisi Patrik Shikning Yevro—2020 da Shotlandiyaga (2:0) uzoq masofadan yo‘llagan zarbasi va “Portu” forvardi Mehdi Taremining Chempionlar Ligasi doirasida “Chelsi”ga (1:0) qarshi o‘yindagi to‘pi da’vogarlik qilmoqda.
Eslatib o‘tamiz, g‘oliblarni taqirlash marosimi 17-yanvar kuni Syurixda bo‘lib o‘tadi.
Izoh (0)