«Арсенал» Англия Кубогининг 3-босқичи доирасидаги «Ноттинҳем Форест»га қарши учрашувда махсус либосларда ҳаракат қилади. Бу ҳақда «канонирлар»нинг расмий сайтида маълум қилинди.
Лондон жамоаси ва Adidas компанияси No More Red (ортиқ ҳеч қандай қизил ранг) деб номланган ташаббус билан чиққан. Бунга 2021 йилда Лондонда ўсмирларнинг пичоқбозликдан вафот этиши рекорд даражага чиққани сабаб бўлган — (30 та ҳолат). Ундан ташқари, 2020 йилнинг июль ойидан 2021 йил июнь ойига қадар пойтахтда пичоқдан фойдаланиш билан боғлиқ ўн мингта жиноят рўйхатдан ўтказилган. No More Red акцияси ёрдамида «канонирлар» бу масалага эътибор қаратмоқчи.
https://www.instagram.com/p/CYbEuh2JLeW/
Янги футболкаларни сотиб олиб бўлмайди — «Арсенал» ва Adidas уларни жамиятга фойдаси тегадиган инсонларга текинга тарқатади. Майдондаги ўн ўйинчининг футболкалари эса совуқ қурол ёрдамида содир этилган жиноятларнинг сабабларини бартараф этиш билан шуғулланувчи жамоат ташкилотларига берилади.
Бундан ташқари, «Арсенал» ва Adidas футбол ўйнаш ҳамда ўргатиш бўйича хавфсиз жойларга сармоя киритади. Гап клуб иштирок этадиган ижтимоий дастур ҳақида кетмоқда.
«Ноттинҳем Форест» — «Арсенал» ўйини 9 январь куни бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)