“Barselona”ning eng ko‘p maosh oluvchi futbolchilari ma’lum bo‘ldi

“Barselona” futbolchilari qancha maosh olishi ma’lum bo‘ldi.

AS nashrining xabariga ko‘ra, “ko‘k-anorranglilar” safida eng ko‘p maosh oladigan futbolchi Xerard Pike hisoblanadi. 34 yoshli himoyachi soliqlar bilan birga yiliga 28 million yevro maosh oladi. 2021-yilning yozida Pike maoshining qisqarishiga rozi bo‘lgandi va sodiqlik uchun katta bonusga ega bo‘lgandi.

Himoyachidan keyingi o‘rinlarda Serxio Buskets (23 million yevro), Xordi Alba, Samyuel Umtiti (har ikkalasi 20 million yevrodan), Mark-Andre ter Shtegen (14 million), Usmon Dembele va Serxi Roberto (har ikkalasi 12 million yevrodan) joy olgan.

“Aston Villa”ga ijara asosida o‘tgan Filippe Koutinyo esa “Barselona”da soliqlar bilan birga yiliga 16 million yevro maosh olar edi.

Ma’lumot uchun, “Barselona” Ispaniya La Ligasining 19-turidan so‘ng 31 ochko bilan 5-o‘rinda bormoqda.