Futbol bo‘yicha Ispaniya Kubogining 1/16 final bosqichidan o‘rin olgan bir qator o‘yinlar 5-yanvar, chorshanba kuni bo‘lib o‘tdi.
“Real” safarda quyi divizion vakili “Alkoyano” bilan bahs yuritdi va 3:1 hisobidagi g‘alabani tantana qildi. “Qirollik klubi”ning gollariga Eder Militao va Marko Asensio mualliflik qildi. Yana bir vaziyatda mezbonlar darvozaboni o‘z darvozasiga gol urib qo‘ydi. “Alkoyano”ning javob goliga esa Dani Vega mualliflik qildi.
“Barselona” ham mazkur bosqich doirasida safarda o‘yin o‘tkazdi. Katalon klubi “Linares”ga qarshi maydonga tushib, qiyin g‘alabaga erishdi. Xavi jamoasi 19-daqiqada o‘z darvozasidan gol o‘tkazib yuborgandi, biroq ikkinchi 45 daqiqalikda Usmon Dembele va Ferran Jujla “Barselona”ga g‘alaba keltirgan gollarga mualliflik qildi.
Shu tariqa “Barselona” va “Real” klublari Ispaniya Kubogining 1/8 finaliga yo‘l oldi. “Atletiko M” ushbu bosqichdagi o‘yinini 6-yanvar, payshanba kuni o‘tkazadi.
Ispaniya Kubogi
1/16 final bahslari
5-yanvar, chorshanba
“Alkoyano” – “Real” 1:3
Gollar: 0:1 – 39 Militao, 1:1 – 66 Dani Vega, 1:2 – 76 Asensio, 1:3 – 78, avtogol Figeras.“Alkoyano”: Figeras, Lilyo Kastelyano, Blanko Moreno (Ral, 60), Ferris, Karbonell (Revert Espi, 80), Miranda (Imanol Garsiya, 60), Juanan, Andi (Serda, 60), Antoyen Gaspar, Dani Vega (Garsia, 80), Murad.
“Real”: Lunin, Nacho, Alaba (Valyexo, 86), Militao, Marselo, Kazemiro, Valverde, Kamavinga (Isko, 78), Azar (Kroos, 78), Mariano Dias (Asensio, 48), Rodrigo (Sebalyos, 86).
Ogohlantirishlar: Karbonell (50), Juanan (54), Kamavinga (58), Imanol Garsiya (70), Rodrigo (80).
“Linares” – “Barselona” 1:2
Gollar: 1:0 – 19 Luis Diaz, 1:1 – 63 Dembele, 1:2 – 69 Jujla.“Linares”: Razak, Perejon, Josema, Guerrero, Karniser (Migue, 56), Rodri, Melendez (Karrasedo, 56), Barbosa, Sanchidrian (Luna, 88), Luis Diaz (Etxaniz, 70; Luis Kastilyo, 88), Kopete.
“Barselona”: Neto, Mingesa, Arauxo (Pike, 46), Erik Garsiya, Alba, Dani Alves, Buskets, Puch (de Yong, 46; Alvaro Sans, 74), Niko Gonsales, Jujla, Axomash (Dembele, 46).
Ogohlantirishlar: Guerrero (58), de Yong (58).
Izoh (0)