Футбол бўйича Испания Кубогининг 1/16 финал босқичидан ўрин олган бир қатор ўйинлар 5 январь, чоршанба куни бўлиб ўтди.
«Реал» сафарда қуйи дивизион вакили «Алкояно» билан баҳс юритди ва 3:1 ҳисобидаги ғалабани тантана қилди. «Қироллик клуби»нинг голларига Эдер Милитао ва Марко Асенсио муаллифлик қилди. Яна бир вазиятда мезбонлар дарвозабони ўз дарвозасига гол уриб қўйди. «Алкояно»нинг жавоб голига эса Дани Вега муаллифлик қилди.
«Барселона» ҳам мазкур босқич доирасида сафарда ўйин ўтказди. Каталон клуби «Линарес»га қарши майдонга тушиб, қийин ғалабага эришди. Хави жамоаси 19-дақиқада ўз дарвозасидан гол ўтказиб юборганди, бироқ иккинчи 45 дақиқаликда Усмон Дембеле ва Ферран Жужла «Барселона»га ғалаба келтирган голларга муаллифлик қилди.
Шу тариқа «Барселона» ва «Реал» клублари Испания Кубогининг 1/8 финалига йўл олди. «Атлетико М» ушбу босқичдаги ўйинини 6 январь, пайшанба куни ўтказади.
Испания Кубоги
1/16 финал баҳслари
5 январь, чоршанба
«Алкояно» – «Реал» 1:3
Голлар: 0:1 – 39 Милитао, 1:1 – 66 Дани Вега, 1:2 – 76 Асенсио, 1:3 – 78, автогол Фигерас.«Алкояно»: Фигерас, Лилё Кастеляно, Бланко Морено (Рал, 60), Феррис, Карбонелл (Реверт Эспи, 80), Миранда (Иманол Гарсия, 60), Жуанан, Анди (Серда, 60), Антоен Гаспар, Дани Вега (Гарсиа, 80), Мурад.
«Реал»: Лунин, Начо, Алаба (Вальехо, 86), Милитао, Марсело, Каземиро, Вальверде, Камавинга (Иско, 78), Азар (Кроос, 78), Мариано Диас (Асенсио, 48), Родриго (Себальос, 86).
Огоҳлантиришлар: Карбонелл (50), Жуанан (54), Камавинга (58), Иманол Гарсия (70), Родриго (80).
«Линарес» – «Барселона» 1:2
Голлар: 1:0 – 19 Луис Диаз, 1:1 – 63 Дембеле, 1:2 – 69 Жужла.«Линарес»: Разак, Пережон, Жосема, Гуэрреро, Карнисер (Мигуэ, 56), Родри, Мелендез (Карраседо, 56), Барбоса, Санчидриан (Луна, 88), Луис Диаз (Этханиз, 70; Луис Кастилё, 88), Копете.
«Барселона»: Нето, Мингеса, Араухо (Пике, 46), Эрик Гарсия, Альба, Дани Алвес, Бускетс, Пуч (де Йонг, 46; Альваро Санс, 74), Нико Гонсалес, Жужла, Ахомаш (Дембеле, 46).
Огоҳлантиришлар: Гуэрреро (58), де Йонг (58).
Изоҳ (0)