Buxoro viloyatiga 2021-yilda jami 2,2 million nafar sayyoh tashrif buyurdi. Bu haqda viloyat Turizm va sport bosh boshqarmasi xabar qildi.
Qayd etilishicha, xorijiy turistlar soni 48,9 ming nafardan oshgan. Ko‘rsatkich 2020-yilga nisbatan ichki turizmda qariyb 8 baravarga, xorijiy sayyohlar soniga nisbatan 3,5 baravarga ortgan.
Shuningdek, 2021-yilda 78 ta yangi katta-kichik mehmonxonalar (724 ta xona, 1919 ta o‘rin) ishga tushishi hisobiga ularning umumiy soni 415 taga (4463 ta xona, 10 ming 323 ta o‘rin) yetgan. Turoperatorlar soni 121 ta, gid-ekskursovodlar 252 ta, sayyohlar uchun restoranlar 90 ta, turistik avtobus va mikroavtobuslar 281 tani tashkil etgan.
Avvalroq Buxoro viloyati hokimi Botir Zaripov 2026-yilga qadar viloyatda sayyohlar soni 5 milliondan oshishini aytgandi. Ta’kidlanishicha, viloyatda sayyohlar oqimini yanada ko‘paytirish maqsadida 27 ta xorijiy aviaqatnovlar ham tashkil etiladi.
Mavzuga doir:
- O‘zbekiston 2022-yilda sayohat qilish uchun eng yaxshi mamlakatlardan biri — The Independent
- O‘zbekistonni qo‘shni davlatlar bilan to‘g‘ridan to‘g‘ri bog‘laydigan turistik avtobuslar va temiryo‘l qatnovi yo‘lga qo‘yiladi
- “Turistik salohiyati yuqori tumanlarni rivojlantirish uchun dastlabki bosqichda 200 milliard so‘m ajratiladi” – Shavkat Mirziyoyev
Izoh (0)