Yangi yil bayrami munosabati bilan “Yangi O‘zbekiston” bog‘i va Chimyon dam olish zonasi yaqinidagi yo‘llarda ayrim cheklovlar joriy etildi.
Qayd etilishicha, 2021-yil 31-dekabr hamda 2022-yil 1-yanvar kunlari “Yangi O‘zbekiston bog‘i”ga tashrif buyuruvchi fuqarolar xavfsizligini ta’minlash maqsadida bog‘ atrofida ayrim yo‘llarda transport vositalari harakati vaqtincha cheklanadi. Bog‘ atrofida avtoturargohlar hamda to‘xtab turish joylarini tashkil etish choralari ko‘rilgan.
Shuningdek, Yangi yil bayrami munosabati bilan e’lon qilingan dam olish kunlari Toshkent viloyatining Bo‘stonliq tumaniga ko‘plab fuqarolar tashrif buyurishi kutilmoqda.
Shunga ko‘ra, avtomobil yo‘llarida tirbandliklarning oldini olish va harakat xavfsizligini ta’minlash maqsadida, 2021-yil 31-dekabr kunidan 2022-yil 5-yanvar kuniga qadar Bo‘stonliq tumanining dam olish zonalaridan o‘tgan avtomobil yo‘llarida harakatlanish uchun ayrim cheklovlar kiritildi.
Xususan, avtotransport vositalarining oqimini hisobga olgan holda 4R6 Toshkent–Chimyon avtomobil yo‘lining 57–92 kilometrlari va 4R10 Chorvoq suv ombori halqa yo‘li avtomobil yo‘lining 0–12 kilometrlari oralig‘ida bir tomonlama harakatlanish joriy qilindi.
Izoh (0)