Namangan viloyati Uychi tumanida Spark Nexia bilan to‘qnashdi, deya xabar bermoqda viloyat IIB axborot xizmati.
Qayd etilishicha, 2021-yil 19-dekabr kuni soat 03:10 larda Namangan—Uychi—Uchqo‘rg‘on yo‘lining 31-kilometrida, “Yangiyer” MFY hududida, Uychi tumanida yashovchi fuqaro (1984-yilda tug‘ilgan) Spark avtomashinasini boshqarib borayotib, harakat xavfsizligini ta’minlay olmagan. Shu sabab o‘zidan oldinda harakatlanib ketayotgan, Uchqo‘rg‘on tumanida yashovchi fuqaroning (1984-yilda tug‘ilgan) yo‘l varaqasi bilan boshqaruvida bo‘lgan Nexia bilan to‘qnashib, boshqaruvni yo‘qotib, yo‘lning o‘ng chetiga chiqib ketib, ag‘darilgan.
Oqibatda Spark haydovchisi bosh miya chayqalishi, o‘ng oyoq son suyagi sinishi tashxisi bilan shifoxonaga yotqizilib, ko‘rsatilgan tibbiy muolajalarga qaramay, shifoxonada vafot etgan.
Ushbu holat bo‘yicha Uychi tuman IIB huzuridagi TB tomonidan 2021-yil 23-dekabr kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Mavzuga doir:
- Toshkentda Lacetti yo‘nalishini keskin o‘zgartirgan Isuzu bilan to‘qnashdi, Jizzaxda Nexia beton to‘siqqa urildi. YTHlar tafsilotlari
- Toshkentda ikki Nexia to‘qnashdi, Farg‘onada Damas piyodaning umriga zomin bo‘ldi. YTHlar tafsilotlari
- Samarqand va Qashqadaryoda yonib ketgan MAN, 11 yoshli piyodani urib yuborgan Nexia. YTH tafsilotlari
Izoh (0)