Наманган вилояти Уйчи туманида Spark Nexia билан тўқнашди, дея хабар бермоқда вилоят ИИБ ахборот хизмати.
Қайд этилишича, 2021 йил 19 декабрь куни соат 03:10 ларда Наманган—Уйчи—Учқўрғон йўлининг 31-километрида, «Янгиер» МФЙ ҳудудида, Уйчи туманида яшовчи фуқаро (1984 йилда туғилган) Spark автомашинасини бошқариб бораётиб, ҳаракат хавфсизлигини таъминлай олмаган. Шу сабаб ўзидан олдинда ҳаракатланиб кетаётган, Учқўрғон туманида яшовчи фуқаронинг (1984 йилда туғилган) йўл варақаси билан бошқарувида бўлган Nexia билан тўқнашиб, бошқарувни йўқотиб, йўлнинг ўнг четига чиқиб кетиб, ағдарилган.
Оқибатда Spark ҳайдовчиси бош мия чайқалиши, ўнг оёқ сон суяги синиши ташхиси билан шифохонага ётқизилиб, кўрсатилган тиббий муолажаларга қарамай, шифохонада вафот этган.
Ушбу ҳолат бўйича Уйчи туман ИИБ ҳузуридаги ТБ томонидан 2021 йил 23 декабрь куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.
Мавзуга доир:
- Тошкентда Lacetti йўналишини кескин ўзгартирган Isuzu билан тўқнашди, Жиззахда Nexia бетон тўсиққа урилди. ЙТҲлар тафсилотлари
- Тошкентда икки Nexia тўқнашди, Фарғонада Damas пиёданинг умрига зомин бўлди. ЙТҲлар тафсилотлари
- Самарқанд ва Қашқадарёда ёниб кетган MAN, 11 ёшли пиёдани уриб юборган Nexia. ЙТҲ тафсилотлари
Изоҳ (0)