Ижтимоий тармоқларда қурилаётган объектда иккита артиллерия снаряди топилгани тўғрисидаги видео тарқалди. Мазкур ҳолат юзасидан ИИВ матбуот хизмати маълумот берди.
Қайд этилишича, 2021 йил 27 декабрь куни 102 рақамига 26 ёшли фуқаро Ш.Т.дан хабар келиб тушган. Унинг гапига кўра, у таниши 29 ёшли А.М. билан биргаликда Яккасарой туманида қурилаётган объект ҳудудида шубҳали, артиллерия аслаҳаларига ўхшаш занглаган буюмлар топган. У фуқаролик масъулиятидан келиб чиқиб тезкор хизматларга хабар берган.
Кўрсатилган манзилга Тошкент шаҳар ИИББ ходимлари ИИВнинг махсус мутахассислари билан биргаликда етиб келган. Текширув ўтказилгач, топилган буюмлар ўқув машғулотлари давомида фойдаланишга мўлжалланган иккита 115 миллиметрлик ўқув снаряди ва иккита 82 миллиметрлик ўқув миномёти эканлиги маълум бўлди.
Мазкур ҳолат бўйича ўрганиш ишлари давом этмоқда.
Изоҳ (0)