Shavkat Mirziyoyev tibbiyot xodimlari bilan ochiq muloqot o‘tkazishi xabar qilingandi. Sog‘liqni saqlash vazirligi ochiq muloqot uchun tashkil etilgan Call-markaz haqida ma’lumot berdi.
Qayd etilishicha, Call-markazga 20-dekabr holatiga ko‘ra tibbiyot xodimlari va aholi vakillaridan jami 1512 ta murojaat kelib tushgan. Tibbiyot xodimlari murojaatlarining 783 tasi (80 foizi) o‘z yechimini topgan bo‘lsa, 190 tasi (20 foizi) ijro jarayonida.
Hududlar kesimida tahlil qilinganida eng ko‘p murojaat Toshkent shahri (158 ta), Qashqadaryo (100 ta), Farg‘ona (89 ta) va Andijon (82 ta) viloyatlari hissasiga to‘g‘ri kelmoqda.
Ko‘tarilgan masalalarni o‘z vaqtida hal etish va bildirilgan takliflarga kompleks yondashish maqsadida murojaatlar:
- birlamchi tibbiy yordam;
- shoshilinch va tez tibbiy yordam;
- ixtisoslashtirilgan markazlar faoliyati;
- ilm-fan;
- oliy tibbiy ta’lim;
- tibbiy-ijtimoiy himoya;
- farmatsevtika;
- onalik va bolalikni muhofaza qilish;
- sanitariya-epidemiologiya xizmati;
- xususiy tibbiyot;
- malaka oshirish;
- sog‘lom turmush tarzi;
- yuridik xizmat;
- o‘rta maxsus tibbiy ta’lim;
- davlat-xususiy sherikchilik kabi qator yo‘nalishlarga ajratilgan.
Yuqoridagilardan:
- birlamchi tibbiy yordam xizmati bo‘yicha 204 ta;
- tez tibbiy yordam xizmati bo‘yicha 80 ta;
- ixtisoslashgan markazlar faoliyati bo‘yicha 69 ta;
- ilm-fan yo‘nalishi bo‘yicha 72 ta murojaat o‘z vaqtida hal qilingan.
Mavzuga doir:
- O‘zbekiston SSV markaziy apparati xodimlarining 40 foizi vazifasidan ozod etildi
- SSV tibbiyot muassasalaridagi ortiqcha qog‘ozbozlikni qisqartirish choralarini ko‘rmoqda
- Behzod Musayev SSV tizimidagi talabga javob bermaydigan barcha sanitariya-gigiyena xonalarini ta’mirdan chiqarish bo‘yicha ko‘rsatma berdi
Izoh (0)