Futbol bo‘yicha Angliya Premyer Ligasining 17-turidan o‘rin olgan bir qator o‘yinlar 16-dekabr, payshanba kuni bo‘lib o‘tdi.
“Chelsi” o‘z maydonida “Everton”ni qabul qildi. Tomas Tuxel shogirdlari mersisaydliklar bilan 1:1 hisobida durang natija qayd etdi. Londonliklar safida Meyson Maunt o‘z hisobiga gol yozdirib qo‘ygan bo‘lsa, “Everton”ning javob to‘piga Brentueyt muallif bo‘ldi.
“Ko‘klar” durang natijadan so‘ng 37 ochko bilan 3-o‘rinda qoldi. “Everton” 19 ochko bilan 14-pog‘onadan joy olgan.
“Liverpul” o‘z uyida “Nyukasl”ni 3:1 hisobida mag‘lub etdi. Mehmonlar safida Jonjo Shelvi hisobni ochgan bo‘lsa, liverpulliklar Diogu Jota, Muhammad Saloh va Trent Aleksander-Arnoldning gollari bilan javob berdi.
Ushbu g‘alabadan keyin Yurgen Klopp shogirdlari ochkolari sonini 40 taga yetkazdi va birinchi o‘rindagi jamoaga yaqinlashib oldi. “Nyukasl” esa 10 ochko bilan 16-o‘rinda bormoqda.
APL
17-tur bahslari
16-dekabr, payshanba
“Chelsi” – “Everton” 1:1
Gollar: 1:0 – 70 Maunt, 1:1 – 74 Brentueyt.“Chelsi”: Mendi, Jeyms, Aspilikueta (Chaloba, 79), Tyago Silva, Ryudiger, Alonso (Saul, 65), Jorjinyo, Ziyosh, Loftus-Chik (Barkli, 65), Maunt, Pulishich.
“Everton”: Pikford, Kenni, Kin, Holgeyt, Brentueyt, Godfri, Ivobi, Andre Gomesh (Gbamen, 71), Dukure, Simms (Dobbin, 62), Gordon (Onyango, 90).
Ogohlantirishlar: Holgeyt (21), Loftus-Chik (45), Jorjinyo (59), Andre Gomesh (64), Dobbin (77).
“Liverpul” – “Nyukasl” 3:1
Gollar: 0:1 – 7 Shelvi, 1:1 – 21 Diogu Jota, 2:1 – 25 Saloh, 3:1 – 87 Aleksander-Arnold.“Liverpul”: Alisson, Aleksander-Arnold, Matip, Konate, Robertson, Henderson, Tyago Alkantara (Milner, 90), Oksleyd-Chemberlen (Keyta, 74), Saloh (Firmino, 74), Mane, Diogu Jota.
“Nyukasl”: Dubravka, Mankilyo, Sher, Lassels, Lyuis (Ritchi, 15), Myorfi, Freyzer (Uillok, 87), Shelvi, Heyden, Sen-Maksimen (Uilson, 79), Joelinton.
Ogohlantirishlar: Joelinton (45), Freyzer (55), Henderson (70), Heyden (86).
Izoh (0)