“Barselona” klubi va Argentina terma jamoasi hujumchisi Serxio Aguero yuragidagi muammo sabab futbolchilik faoliyatini yakunlaganini ma’lum qildi.
Aguero xayrlashuv maktubini yozdi va unda barchaga minnatdorchilik bildirib, o‘zining dil izhorlarini bildirdi:
Yana bir bor o‘ynash imkoniyati uchun borimni berardim. Ammo oxirgi tekshiruvlardan so‘ng shifokorlar professional futboldagi faoliyatimni yakunlashni maslahat berdi. Qaror qabul qilishim uchun ularning so‘zlari yetarli bo‘ldi. Bunday holatda faoliyatni yakunlash og‘ir, lekin hayot birinchi o‘rinda turadi.Ijtimoiy tarmoqlarda futbol jamoatchiligi Serxioni qo‘llab-quvvatlab, u bilan xayrlashdi.Futbol menga o‘rgatgan narsalardan biri — mag‘lubiyat g‘alabani olib kelishi mumkin. Hozir bu o‘zgarmaydi. Albatta, bu og‘riqli, lekin fojia emas. Boshqacha holat bo‘lganda fojia bo‘lardi. Men o‘ynashim mumkin bo‘lgan kelajak haqida emas, mo‘jizaviy o‘tgan 18 yilim haqida o‘ylayman.
Yildan yilga ishtiyoq va fidoyilik bilan ishlaganim kabi ajoyib faoliyatim o‘zim bilan qoladi. Bolaligimda o‘ynagan jamoalar, shuningdek, “Indepentyente”, “Atletiko”, “Manchester Siti”, “Barselona”, Argentina termasi — men uchun qadrli bo‘lgan barchasiga mehr va g‘amxo‘rlikni saqlab qolaman.
Barcha to‘siqlarga qaramasdan meni qo‘llab-quvvatlagan muxlislardan minnatdorman. Sizning yordamingiz meni kuchliroq qildi.
Eng yaxshi sharoitlarda faoliyatimni rivojlanishiga hissa qo‘shgan barcha murabbiylar, jamoadoshlarim, xodimlar, fizioterapevt va menejerlarga rahmat demoqchiman. Ayniqsa, doim men tarafda bo‘lgan oilam va do‘stlarimga minnatdorchilik bildiraman. Undan tashqari men bilan 14 yil davomida birga ishlagan agentlarimga ham rahmat.
Hayot davom etadi va oldinda hali ko‘p narsa bor. Menda avvalgidan farq qiladigan yangi bosqich boshlanyapti. Lekin har doimgidek pozitiv kayfiyat, ishtiyoq va xursandchilik bilan davom etaman.
Serxio Aguero, “Barselona” hujumchisi
“Barselona” prezidenti Xoan Laporta: “Biz seni “Barselona”da ko‘proq qolishingni xohlagandik, ammo to‘g‘ri qaror qabul qilding. Senga eng yaxshi tilaklarni tilaymiz!”
https://www.instagram.com/p/CXghv8grOJf/
Eng yaqin do‘sti Lionel Messi: “Deyarli butun faoliyatimiz davomida birga edik, Kun... Bizning ajoyib lahzalarimiz va omadsiz kunlarimiz bo‘ldi, lekin bular bizni birlashtirdi va do‘stga aylantirdi. Maydondan tashqari hayotda bu lahzalarda yashashni davom ettiramiz.
Yaqindagina qo‘lga kiritilgan Amerika Kubogidagi quvonchlardan so‘ng, Angliyadagi erishgan yutuqlaringdan so‘ng... Albatta, eng sevgan ishing bilan endi shug‘ullana olmasligingni ko‘rish og‘riqli. Sen baxtli insonsan, chunki baxtni boshqalarga ulashasan. Seni yaxshi ko‘radigan insonlar bundan keyin ham yoningda bo‘ladi. Endi hayotingda yangi bosqich boshlanyapti. Buyog‘iga ham tabassum bilan davom etishingga ishonaman.
Hayotingning yangi bosqichida omad tilayman! Seni juda yaxshi ko‘raman, do‘stim. Maydonda o‘rning bilinadi, terma jamoadagi vaqtlarimizni sog‘inaman!”.
https://www.instagram.com/p/CXgSATFsg7K/
UEFAning rasmiy Instagram sahifasi: “Fantastik faoliyat bilan tabriklaymiz, Aguero. Keyingi hayotda omad tilaymiz!”.
https://www.instagram.com/p/CXgy0M7M6Ok/
“Manchester Siti” bosh murabbiyi Pep Gvardiola: “Maradona Italiyani zabt etdi, Messi Ispaniyani, Aguero esa Angliyada buni uddaladi. Uning natijalari buni isbotlaydi. Agueroga o‘xshab, futbolchining ichida olov yonsa, bir o‘zi o‘yin taqdirini hal qiladi”.
Sobiq jamoadoshi, “Manchester Siti” futbolchisi Kevin de Bryuyne: “Barcha davrlarning eng yaxshi hujumchilaridan biri! Keyingi faoliyatingga omad tilayman. Ko‘rishguncha”.
https://www.instagram.com/p/CXgL50Ztgys/
“Manchester Siti” matbuot xizmati: “Qirol Kun. ‘Manchester Siti’ning har bir a’zosi Serxio Agueroni oxirgi o‘n yildagi muvaffaqiyatli faoliyati uchun minnatdorlik bildiradi va uning keyingi hayotida omad tilaydi!”.
https://www.instagram.com/p/CXgHXqPI59S/
“Barselona” va Argentina terma jamoasining sobiq futbolchisi Xavyer Maskerano: “Xose (Pakerman) seni jamoaga chaqirgan kunidan boshlab boshqacha ekanligingni anglagandik. Sen bilan birga o‘ynash sharaf, lekin undan ham ko‘proq sening buyuk inson ekanligingni bilish! Maydonda va uning tashqarisida biz bilan o‘tkazgan ajoyib lahzalaring uchun tashakkur. Seni yaxshi ko‘raman, do‘stim”.
https://www.instagram.com/p/CXgwgaOPI9O/
“Real” matbuot xizmati: “Sendek futbolchiga qarshi o‘ynash sharaf. Dunyodagi eng yaxshi futbolchilardan biri. Senga va oilangga omad tilaymiz”.
https://www.instagram.com/p/CXgJjr0IHUQ/
Sobiq jamoadoshi Vinsent Kompani: “Favqulodda ajoyib hujumchi faoliyatini yakunlayapti. U nafaqat yaxshi jamoadosh, do‘st va noyob shaxs. Haqiqiy ‘Manchester Siti’ fenomeniga rahmat va hurmat. Senga eng zo‘r afsona bo‘lishdan boshqa narsa tilamayman”.
https://www.instagram.com/p/CXgeNmoM39x/
Izoh (0)