O‘zbekistonga 200 ming doza “Sputnik Layt” vaksinasi keltirildi

O‘zbekistonda koronavirusga qarshi qo‘llanilayotgan vaksinalar turi yettitaga yetdi. Ya’ni 10-dekabr kuni Rossiyadan O‘zbekistonga 200 000 doza “Sputnik Layt” vaksinasi keltirildi.

“Sputnik Layt” bir komponentli vaksina bo‘lib, u bilan to‘liq emlanish uchun bir dozasini olish kifoya. Eslatib o‘tamiz, mamlakatga avvalroq ushbu vaksinaning 7 500 dozasi olib kelingan edi.

Shunday qilib, O‘zbekistonda foydalanilayotgan vaksina 48 036 368 dozani tashkil qilmoqda.

Ulardan:

• 2 404 480 dozasi AstraZeneca;
• 36 789 938 dozasi ZF-UZ-VAC2001;
• 1 341 790 dozasi “Sputnik V”;
• 3 000 060 dozasi Moderna;
• 2 316 600 dozasi Pfizer/BioNTech;
• 1 976 000 dozasi Sinovac;
• 207 500 dozasi “Sputnik Layt” vaksinasi.

Bundan avval O‘zbekistonga olib kelingan “Sputnik Layt” vaksinasi tugagani, O‘zbekistonga Pfizer vaksinasining 301 860 dozalik partiyasi olib kelingani hamda O‘zbekistonda foydalanilgan vaksinalar soni 35 mln dozadan oshgani haqida xabar berilgandi.