“O‘zgidromet” 2-dekabr kuni qanday ob-havo bo‘lishini ma’lum qildi

Respublika Gidrometeorologiya markazi 2-dekabr, payshanba kuni qanday ob-havo kuzatilishini ma’lum qildi.

Toshkent shahrida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 6-8 daraja iliq, kunduzi 22-24 iliq bo‘ladi.

Qoraqalpog‘iston Respublikasi va Xorazm viloyatida havo o‘zgarib turadi, ba’zi joylarda yomg‘ir yog‘ishi mumkin. Sharqiy shamol yo‘nalishini o‘zgartirib g‘arbdan 7-12 metr/sekund tezlikda esadi, ba’zi joylarda 17-22 metr/sekundgacha kuchayadi. Ba’zida  25-28 metr/sekundgacha kuchayishi mumkin. Ayrim viloyatlarda changli bo‘ron hamda chang g‘uborlari ko‘tarilish kuzatilishi mumkin. Harorat kechasi 5-10 daraja iliq, kunduzi 11-16 daraja iliq bo‘ladi.

Buxoro va Navoiy viloyatlarida havo o‘zgarib turadi, yog‘ingarchilik kutilmaydi. Sharqiy shamol yo‘nalishini o‘zgartirib g‘arbdan 7-12 metr/sekund tezlikda esadi, 17-22 metr/sekundgacha kuchayadi, ba’zi joylarda 25-28 metr/sekundgacha kuchayishi mumkin. Ayrim viloyatlarda changli bo‘ron hamda chang g‘uborlari ko‘tarilish kuzatilishi mumkin. Harorat kechasi 5-10 daraja iliq, kunduzi 20-25 daraja iliq bo‘ladi.

Toshkent, Samarqand, Jizzax, Sirdaryo viloyatlarida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi, 17-22 metr/sekundgacha kuchayadi. Ba’zi joylarda 25-28 metr/sekundgacha kuchayishi mumkin, ayrim viloyatlarda changli bo‘ron hamda chang g‘uborlari ko‘tarilish kuzatilishi mumkin. Harorat kechasi 4-9 daraja iliq, kunduzi 19-24 daraj iliq bo‘ladi.

Qashqadaryo, Surxondaryo viloyatlarida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi, 17-22 metr/sekundgacha kuchayadi. Ba’zi joylarda 25-28 metr/sekundgacha kuchayishi mumkin. Ayrim viloyatlarda changli bo‘ron hamda chang g‘uborlari ko‘tarilish kuzatilishi mumkin. Harorat kechasi 5-10 daraja iliq, kunduzi 20-25 daraja iliq bo‘ladi.

Andijon, Namangan, Farg‘ona viloyatlarida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 0-5 daraja iliq, kunduzi 13-18 daraja iliq bo‘ladi.

Respublikaning tog‘oldi va tog‘li hududlarida havo o‘zgarib turadi, yog‘ingarchilik kutilmaydi. Shamol sharqdan 7-12 metr/sekund tezlikda esadi, ba’zi joylarda 17-22 metr/sekundgacha kuchayadi. Harorat kechasi 0-5 daraj iliq, kunduzi 10-15 daraja iliq bo‘ladi.

Eslatib o‘tamiz, “O‘zgidromet” 1—2-dekabr kunlari havo haroratining keskin ko‘tarilishi fonida respublika bo‘yicha shamol tezligi kuchayishi, ayrim viloyat va tumanlarda changli bo‘ron hamda chang g‘uborlari ko‘tarilishi kuzatilishi mumkinligidan ogohlantirgandi.