Toshkent shahri aholisining shirkatlardan qancha qarzdorligi mavjud? Qancha kredit olingan, qanchasi muammoli? Bu savolga AOKAda ko‘p kvartirali uy-joylarni boshqarish tizimini takomillashtirish bo‘yicha o‘tkazilgan matbuot anjumanida Toshkent shahar uy-joy kommunal xizmat ko‘rsatish boshqarmasi boshlig‘ining birinchi o‘rinbosari Mirhakim Qo‘ziyev javob berdi.
Mirhakim Qo‘ziyevning ma’lum qilishicha, Toshkent shahrida 2012-yildan buyon olingan kreditlar miqdori — 872 milliard 736 million so‘mni tashkil etgan.
Hozirda Toshkentda 503 milliard so‘m kredit qoldig‘i mavjud. 368 milliard so‘m kredit qoldig‘i so‘ndirilgan. Shahardagi aholining debitor qarzdorligi 97 milliard so‘mga yetgan.
“Muammoli kreditlar — 49 milliard 907 million so‘m. Markaziy bank bilan tumanlar kesimida muammoli kreditlarni so‘ndirish ishlari olib borilyapti. Yashnobod tumanidagi yig‘ilishda 14 ta shirkatning muammoli kreditlar bo‘yicha 2 milliard 300 million so‘m qarzdorligi mavjud ekani aniqlandi. Xalq banki bilan ushbu shirkatlardan 7 tasining qarzdorligini 3 yilga uzaytirish bo‘yicha kelishib olindi”, – deydi Mirhakim Qo‘ziyev.
Izoh (0)