Futbol bo‘yicha O‘zbekiston Kubogining yarim finali doirasida “Paxtakor” va “Bunyodkor” jamoalari 24-noyabr, chorshanba kuni o‘zaro to‘qnash keldi.
“Sherlar” mezbonligida o‘tgan o‘yinning asosiy vaqtida 1:1 hisobi qayd etildi. 29-daqiqada Xurshid G‘iyosov hisobni ochgan bo‘lsa, birinchi bo‘lim so‘ngida Hojimat Erkinov burchakdan oshirilgan to‘pni darvozaga joylab qo‘ydi va muvozanatni tikladi.
Shundan so‘ng jamoalar qo‘shimcha bo‘limlarga murojaat qildi. Ekstra-taymlarda ham hisob o‘zgarmadi va g‘olib nomi penaltilar seriyasida aniqlandi. Unda mezbonlar 5:4 hisobida g‘alabani qo‘lga kiritdi.
Qayd etish kerak, uchrashuv davomida “Paxtakor”ning ikki o‘yinchisiga qizil kartochka ko‘rsatildi. Dragan Cheran va Sherzod A’zamov maydonni qolganlardan erta tark etdi.
Endilikda “Paxtakor” musobaqaning hal qiluvchi o‘yinida “Nasaf” bilan bahs yuritadi. Final bahsi 4-dekabr kuni Samarqandda bo‘lib o‘tadi.
O‘zbekiston Kubogi
Yarim final bahsi
24-noyabr, chorshanba
“Paxtakor” — “Bunyodkor” 1:1
Gollar: 0:1 — 29 G‘iyosov, 1:1 — 41 Erkinov.Penaltilar seriyasi — 5:4.
“Paxtakor”: 35. Sanjar Quvvatov, 3. Hojiakbar Alijonov (88. Shahzod Azmiddinov, 85), 5. Anzur Ismoilov, 7. Odil Hamrobekov (14. Humoyunmirzo Iminov, 111), 9. Sherzod Temirov (11. Boyan Matich, 85), 10. Dragan Cheran, 17. Dostonbek Hamdamov (8. Azizbek Turg‘unboyev, 80), 18. Hojimat Erkinov (28. Diyor Xolmatov, 80), 23. Sherzod A’zamov, 27. Sardor Sobirxo‘jayev (21.Abrorbek Ismoilov, 74), 34. Farrux Sayfiyev.
“Bunyodkor”: 71.Sarvar Karimov, 6.Avazbek O‘lmasaliyev, 10. Xurshid G‘iyosov, 13. Lutfulla To‘rayev (29. Muzaffar Olimjonov, 92), 14. Mirjahon Mirahmadov (22. Shahboz Erkinov, 83), 17. Odiljon Abdurahmonov (49. Ibrohim Tomiva, 56), 19. Nurillo To‘xtasinov, 26. Ulug‘bek Abdullayev (7. Farhod Mirahmatov, 44), 30. Abdulla Abdullayev, 34. Suhrob Izzatov, 37. Muhammadodil Qahramonov (4. Davronjon Ergashev, 56).
Ogohlantirishlar: Odiljon Hamrobekov 22, Farhod Mirahmatov 44, Davronjon Ergashev 67, Abror Ismoilov 76, Ibrohim Tomiva 84, Shahzod Azmiddinov 92, Sherzod A’zamov 120+1.
Chetlatishlar: Dragan Cheran – 21, Sherzod A’zamov – 120+3 (ikkisi “Paxtakor”).
Izoh (0)