Futbol bo‘yicha O‘zbekiston Kubogining yarim finali doirasida “OKMK” va “Nasaf” jamoalari 24-noyabr, chorshanba kuni o‘zaro to‘qnash keldi.
Olmaliqda bo‘lib o‘tgan o‘yinning asosiy bo‘limlarida hisob ochilmadi. 60-daqiqada qarshiliklar futbolchisi Marko Stanoyevich Yovan Jokichga nisbatan qo‘pollik ishlatdi va maydondan chetlatildi. Qolgan daqiqalarda “Nasaf” bir kishi kam bo‘lib harakatlandi.
Asosiy bo‘limlarda hisob ochilmagach, qo‘shimcha bo‘limlarga navbat berildi. 94-daqiqada Alibek Davronov qarshiliklarning uchrashuvdagi birinchi golni urdi. Andriya Kalujerovich qo‘shimcha bo‘limlarning so‘ngida penaltidan unumli foydalandi va qarshiliklarning ikkinchi goli muallifiga aylandi. Shu tariqa “Nasaf” 2021-yilgi O‘zbekiston Kubogining dastlabki finalchisiga aylandi.
Ikkinchi yarim final o‘yini “Paxtakor” va “Bunyodkor” jamoalari o‘rtasida bo‘lib o‘tadi.
O‘zbekiston Kubogi
Yarim final bahsi
24-noyabr, chorshanba
“OKMK” — “Nasaf” 0:2
Gollar: 0:1 – 94 Alibek Davronov, 0:2 – 120+6 Andriya Kaluderovich (penalti).“OKMK”: 35. Valijon Rahimov, 20. Mirg‘iyos Sulaymonov (77. Dilshod Ahmadaliyev, 62). 8. Bobur Yo‘ldoshev, 7. Sardor Rahmonov, 2. Akrom Komilov (11. Murod Toshmatov, 83), 23. Yovan Jokich (22. Sanjar Shoahmedov, 74), 17. Sanjar Tursunov, 4. Mirjamol Qosimov ( 9. Zafar Polvonov, 83), 28.Shohruh Gadoyev, 18. Aleksandr Kasyan (27.Martin Boake, 62) 10. Husniddin G‘ofurov.
“Nasaf”: 1. Umid Ergashev, 8. Dilshod Saitov (15. Jo‘rabek Mannonov, 106), 5. G‘olib G‘aybullayev, 92. Umar Eshmurodov, 34. Sherzod Nasrullayev, 22. Akmal Mozgovoy, 88. Marko Stanoyevich, 20. Suhrob Nurulloyev (2. Alibek Davronov, 85), 18. Bahrom Abdurahimov (70. Abubakr-Rizo Turdialiyev, 75), 77. Oybek Bozorov (50.Shohmalik Komilov, 90), 19.Husayn Norchayev (99.Andriya Kalujerovich, 90).
Ogohlantirishlar: Jokich (12), Sulaymonov (22), Abdurahimov (31), Komilov (36), G‘aybullayev (45+1), Gadoyev (101), Rahimov (118).
Chetlatish: Stanoyevich (60).
Izoh (0)