Футбол бўйича Ўзбекистон Кубогининг ярим финали доирасида «Пахтакор» ва «Бунёдкор» жамоалари 24 ноябрь, чоршанба куни ўзаро тўқнаш келди.
«Шерлар» мезбонлигида ўтган ўйиннинг асосий вақтида 1:1 ҳисоби қайд этилди. 29-дақиқада Хуршид Ғиёсов ҳисобни очган бўлса, биринчи бўлим сўнгида Ҳожимат Эркинов бурчакдан оширилган тўпни дарвозага жойлаб қўйди ва мувозанатни тиклади.
Шундан сўнг жамоалар қўшимча бўлимларга мурожаат қилди. Экстра-таймларда ҳам ҳисоб ўзгармади ва ғолиб номи пенальтилар сериясида аниқланди. Унда мезбонлар 5:4 ҳисобида ғалабани қўлга киритди.
Қайд этиш керак, учрашув давомида «Пахтакор»нинг икки ўйинчисига қизил карточка кўрсатилди. Драган Черан ва Шерзод Аъзамов майдонни қолганлардан эрта тарк этди.
Эндиликда «Пахтакор» мусобақанинг ҳал қилувчи ўйинида «Насаф» билан баҳс юритади. Финал баҳси 4 декабрь куни Самарқандда бўлиб ўтади.
Ўзбекистон Кубоги
Ярим финал баҳси
24 ноябрь, чоршанба
«Пахтакор» — «Бунёдкор» 1:1
Голлар: 0:1 — 29 Ғиёсов, 1:1 — 41 Эркинов.Пенальтилар серияси — 5:4.
«Пахтакор»: 35. Санжар Қувватов, 3. Ҳожиакбар Алижонов (88. Шаҳзод Азмиддинов, 85), 5. Анзур Исмоилов, 7. Одил Ҳамробеков (14. Ҳумоюнмирзо Иминов, 111), 9. Шерзод Темиров (11. Боян Матич, 85), 10. Драган Черан, 17. Достонбек Ҳамдамов (8. Азизбек Турғунбоев, 80), 18. Ҳожимат Эркинов (28. Диёр Холматов, 80), 23. Шерзод Аъзамов, 27. Сардор Собирхўжаев (21.Аброрбек Исмоилов, 74), 34. Фаррух Сайфиев.
«Бунёдкор»: 71.Сарвар Каримов, 6.Авазбек Ўлмасалиев, 10. Хуршид Ғиёсов, 13. Лутфулла Тўраев (29. Музаффар Олимжонов, 92), 14. Миржаҳон Мираҳмадов (22. Шаҳбоз Эркинов, 83), 17. Одилжон Абдураҳмонов (49. Иброҳим Томива, 56), 19. Нурилло Тўхтасинов, 26. Улуғбек Абдуллаев (7. Фарҳод Мираҳматов, 44), 30. Абдулла Абдуллаев, 34. Суҳроб Иззатов, 37. Муҳаммадодил Қаҳрамонов (4. Давронжон Эргашев, 56).
Огоҳлантиришлар: Одилжон Ҳамробеков 22, Фарҳод Мираҳматов 44, Давронжон Эргашев 67, Аброр Исмоилов 76, Иброҳим Томива 84, Шаҳзод Азмиддинов 92, Шерзод Аъзамов 120+1.
Четлатишлар: Драган Черан – 21, Шерзод Аъзамов – 120+3 (иккиси «Пахтакор»).
Изоҳ (0)