Futbol bo‘yicha Italiya A Seriyasining 13-turidan o‘rin olgan bir qator uchrashuvlar 20-noyabr, shanba kuni bo‘lib o‘tdi.
Florensiyada o‘tgan o‘yinda jamoalar umumiy hisobda 7 ta gol urdi. Dastlab “Fiorentina” ketma-ket 3 ta gol urib, hisobda oldinga chiqib oldi: Alfred Dankan darvozabonning xatosidan foydalangan bo‘lsa, Rikkardo Saponara uzoq masofadan ajoyib tarzda to‘pni darvozaga joylab qo‘ydi. Dushan Vlaxovich esa darvozabon bilan birga-bir vaziyatga chiqib, vaziyatni gol bilan yakunladi.
62-daqiqaga kelib, 40 yoshli Zlatan Ibrahimovich katta sahnaga chiqdi. U 5 daqiqa ichida dublni rasmiylashtirib, hisobni qisqartirishga erishdi. Birinchi golda himoyachining xatosidan keyin o‘z nomini tabloga yozdirib qo‘ydi. Ikkinchi vaziyatda esa jamoaviy hujumni golga aylantirdi. Biroq 85-daqiqaga kelib, Vlaxovich jamoasining o‘yindagi to‘rtinchi, o‘zining esa ikkinchi golini urib, bellashuvga yakuniy nuqtani qo‘yib berdi.
“Milan”ning hisobida 32 ochko bor, jamoa musobaqa jadvalida 2-o‘rindan joy olgan. “Fiorentina” esa g‘alabadan keyin 7-o‘ringa ko‘tarildi.
“Yuventus” “Latsio” maydoniga safar qilib, Leonardo Bonuchchining ikkita penaltidan urgan gollari evaziga g‘alabaga erishdi. Turinliklar bu g‘alaba orqali 21 ochko bilan 5-pog‘onaga ko‘tarildi.
A Seriya
13-tur bahslari
20-noyabr, shanba
“Fiorentina” – “Milan” 4:3
Gollar: 1:0 – 15 Dankan, 2:0 – 45 Saponara, 3:0 – 60 Vlaxovich, 3:1 – 62 Ibrahimovich, 3:2 – 67 Ibrahimovich, 4:2 — 85 Vlaxovich, 4:3 — 90+6 avtogol Lorenso Venuti.“Fiorentina” – Terrachchano, Odriosola, Venuti, Igor Julio, Biragi, Bonaventura (Kastrovilli, 69), Dankan, Torreyra, Saponara, Kalyexon (Gonsales, 69), Vlaxovich.
“Milan” – Teterushanu, Kalulu (Florensi, 57), Kyer, Gabbiya, Ernandes, Kessie, Salemakers (Junior Messias, 57), Tonali (Bennaser, 74), Ibrahimovich, Rafael Leau (Krunich, 80), Braim Dias (Jiru, 57).
“Latsio” – “Yuventus” 0:2
Gollar: 0:1 – 23, penalti Bonuchchi, 0:2 – 83, penalti Bonuchchi.“Latsio” – Reyna, Acherbi, Luis Felipe, Hyusay, Luis Alberto, Kataldi (Bashich, 84), Milinkovich-Savich, Lazari, Zakkani (Muriki, 65), Pedro, Felipe Anderson (Moro, 75).
“Yuventus” – Shchensni, Bonuchchi, Danilo (Kulusevski, 15), de Ligt, Pellegrini, Kuadrado, Rabyo, Lokatelli (Bentankur, 89), Makkenni, Morata (Kin, 74), Kyeza.
Ogohlantirishlar: Kuadrado (28), Xyusay (43), Reyna (81), Luis Alberto (82).
Izoh (0)