Футбол бўйича Испания Ла Лигасининг 14-турида «Реал» 21 ноябрь, якшанба куни «Гранада» майдонида меҳмон бўлди.
Учрашувнинг 19-дақиқасида Марко Асенсио меҳмонларни олдинга олиб чиққан бўлса, орадан кўп вақт ўтмай Начо жамоасининг иккинчи голини урди. 34-дақиқада Луис Суарес Чаррис ҳисобни қисқартирди.
56-дақиқада Винисиус Жуниор ҳисобдаги фарқни оширди. 67-дақиқада майдон эгалари бир ўйинчи кам бўлиб қолди: Мончу тўғридан-тўғри қизил карточкага лойиқ кўрилди. 76-дақиқада Ферлан Менди ҳисобни йирик кўринишга олиб келди. Қолган вақтда ҳисоб ўзгармади.
«Реал» ушбу ғалабадан кейин очколарини 30 тага етказиб олган ҳолда биринчи ўринга кўтарилди.
Ла Лига
14-тур баҳси
21 ноябрь, якшанба
«Гранада» — «Реал Мадрид» 1:4
Голлар: 0:1 – 19 Асенсио, 0:2 – 25 Начо, 1:2 – 34 Суарес, 1:3 – 56 Винисиус Жуниор, 1:4 – 76 Менди.«Гранада»: Луиш Машимиану, Кини, Диас (Торренте, 58), Херман Санчес, Нева, Пуэртас (Монторо, 46), Гоналон (Исма Руис, 59), Мончу, Рочина (Молина, 59), Соро (Эскудеро, 78), Суарес.
«Реал Мадрид»: Куртуа, Карвахаль, Алаба (Валехо, 83), Начо, Менди, Модрич (Иско, 80), Кроос (Камавинга, 80), Каземиро, Бензема (Йович, 80), Асенсио, Винисиус Жуниор (Родриго, 71).
Огоҳлантиришлар: Монторо (62), Иско (80).
Четлатиш: Мончу (67).
Изоҳ (0)