Futbol bo‘yicha Fransiya chempionatining 14-turidan o‘rin olgan o‘yinda “PSJ” 20-noyabr, shanba kuni “Nant” bilan bahs yuritdi.
Parijda o‘tgan o‘yinda mezbonlarning qo‘li baland keldi. 2-daqiqadayoq Kilian Mbappe hisobni ochdi. Tanaffusgacha darvozalarga boshqa to‘p kiritilmadi.
Ikkinchi bo‘limning 76-daqiqasida Randal Kolo-Muani muvozanatni tikladi. Ammo 81-daqiqada Dennis Appia o‘z darvozasiga gol kiritib qo‘ydi. Oradan 6 daqiqa o‘tib esa Lionel Messi “PSJ” safida Liga 1 dagi ilk golini urib, jamoasiga ishonchli g‘alabani taqdim etdi.
Qayd etish kerak, parijliklar 65-daqiqadan boshlab bir kishi kam bo‘lib qoldi. Darvozabon Keylor Navas qizil kartochka olib, maydonni qolgandan erta tark etdi.
Mazkur g‘alabadan keyin “PSJ” 37 ochko bilan peshqadamlikni mustahkamladi. “Nant” esa (18) 11-o‘rindan joy olgan.
Liga 1
14-tur bahsi
20-noyabr, shanba
“PSJ” – “Nant” 3:1
Gollar: 1:0 – 2 Mbappe, 1:1 – 76 Kolo-Muani, 2:1 – 81, avtogol Appia, 3:1 – 87 Messi.“PSJ” – Navas, Hakimi, Kerer, Diallo, Bernat, Guye, Verratti (Veynaldum, 75), Paredes (Danilu Pereyra, 89), Messi, Neymar (Riko, 68), Mbappe.
“Nant” – Lafon, Korshya (Appia, 42), Kastelletto, Jirotto, Fabio (Merlen, 58), Chirivelya, Blas, Mutussami (Sipryen, 77), Kulibali (Bukari, 58), Koko (Jebbel, 77), Kolo-Muani.
Ogohlantirishlar: Chirivelya (39), Verratti (71), Blas (83).
Chetlatish: Navas (65).
Izoh (0)