Футбол бўйича Франция чемпионатининг 14-туридан ўрин олган ўйинда «ПСЖ» 20 ноябрь, шанба куни «Нант» билан баҳс юритди.
Парижда ўтган ўйинда мезбонларнинг қўли баланд келди. 2-дақиқадаёқ Килиан Мбаппе ҳисобни очди. Танаффусгача дарвозаларга бошқа тўп киритилмади.
Иккинчи бўлимнинг 76-дақиқасида Рандал Коло-Муани мувозанатни тиклади. Аммо 81-дақиқада Деннис Аппиа ўз дарвозасига гол киритиб қўйди. Орадан 6 дақиқа ўтиб эса Лионель Месси «ПСЖ» сафида Лига 1 даги илк голини уриб, жамоасига ишончли ғалабани тақдим этди.
Қайд этиш керак, парижликлар 65-дақиқадан бошлаб бир киши кам бўлиб қолди. Дарвозабон Кейлор Навас қизил карточка олиб, майдонни қолгандан эрта тарк этди.
Мазкур ғалабадан кейин «ПСЖ» 37 очко билан пешқадамликни мустаҳкамлади. «Нант» эса (18) 11-ўриндан жой олган.
Лига 1
14-тур баҳси
20 ноябрь, шанба
«ПСЖ» – «Нант» 3:1
Голлар: 1:0 – 2 Мбаппе, 1:1 – 76 Коло-Муани, 2:1 – 81, автогол Аппиа, 3:1 – 87 Месси.«ПСЖ» – Навас, Ҳакими, Керер, Диалло, Бернат, Гуйе, Верратти (Вейналдум, 75), Паредес (Данилу Перейра, 89), Месси, Неймар (Рико, 68), Мбаппе.
«Нант» – Лафон, Коршя (Аппиа, 42), Кастеллетто, Жиротто, Фабио (Мерлен, 58), Чиривелья, Блас, Мутуссами (Сипрьен, 77), Кулибали (Букари, 58), Коко (Жеббел, 77), Коло-Муани.
Огоҳлантиришлар: Чиривелья (39), Верратти (71), Блас (83).
Четлатиш: Навас (65).
Изоҳ (0)