Futbol bo‘yicha Germaniya chempionatining 12-turidan o‘rin olgan “Augsburg” va “Bavariya” o‘rtasidagi bahs 19-noyabr, juma kuni bo‘lib o‘tdi.
Uchrashuvning 23-daqiqasida Mads Petersen hisobni ochgan bo‘lsa, 35-daqiqada Andre Han “Augsburg”ning ikkinchi goliga mualliflik qildi. 38-daqiqada Robert Levandovski hisobni qisqartirdi. O‘yin yakunigacha 2:1 hisobi saqlanib qoldi va “Bavariya” mavsumdagi ikkinchi mag‘lubiyatini qabul qildi.
Uchrashuvdan so‘ng myunxenliklar 28 ochko bilan 1-o‘rinda qoldi. “Augsburg” esa ochkolari sonini 12 taga yetkazdi va 15-o‘ringa ko‘tarildi.
Bundesliga
12-tur bahsi
19-noyabr, juma
“Augsburg” –“Bavariya” 2:1
Gollar: 1:0 – 23 Pedersen, 2:0 – 35 Han, 2:1 – 38 Levandovski.“Augsburg”: Gikevich, Gumni, Gaueleu, Oksford, Yago, Pedersen (Grueso, 74), Kalijuri (Framberger, 58), Dorsh (Moravek, 74), Mayer, Han (Yensen, 82), Zekiri (Kordova, 82).
“Bavariya”: Noyer, Ernandes, Upamekano, Pavar (Nyanzu, 87), Richards (Devis, 52), Zabitser (Musiala, 52), Goretska, Gnabri, Myuller, Levandovski, Sane (Shupo-Moting, 69).
Ogohlantirishlar: Han (45), Ernandes (45), Framberger (79).
Izoh (0)