Instagram: Ulug‘bek Xolmedovga Volkswagen sovg‘a qilishdi, Luiza Rasulovaning eri bormi? Jahongir Otajonov mashinasini sotmoqda

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Shohruhxon o‘g‘li Muhammad Yusuf bilan birga tushgan suratini sahifasiga joyladi.

Umida Mirhamidova challarida xizmatda bo‘ldi hamda muxlislarining quvonchli kunidan folloverlari uchun reportaj tayyorladi.

Xonanda Jahongir Otajonov Toyota Land Cruiser Prado avtomobilini sotayotganini ma’lum qildi.

Yulduz Usmonova Termiz shahrida to‘y xizmatida bo‘ldi. Xonanda o‘ziga nisbatan cheksiz hurmatini ko‘rsatgan muxlislariga minnatdorchilik bildirdi.

Halima Ibragimova folloverlarini juma ayyomi bilan tabrikladi.

Rashid Xoliqov rafiqasi, o‘g‘li Temur va qizi Aziza bilan Istanbulda hordiq chiqarmoqda.

Yulduz Rajabova Istanbuldan ko‘rinish berdi.

Bir necha kun avval Abror Muxtor Ali Luiza Rasulova “Million”ning konsertida bilib-bilmay o‘zini nikohlab qo‘ygani, endi uning eri borligini aytgan edi.

Luiza Rasulova Abror Muxtor Alining ushbu so‘zlariga munosabat bildirdi.

“Boshqa bu narsa haqida to‘xtalmayman. Domla aytganini qabul qildik. Bizning oilada, yana atrofimizda ilmi kuchli insonlar ko‘p. Aytgan gaplari qisman to‘g‘ri. Haqiqatan ham, bunday bo‘lishi mumkin. ‘Dinda hazil yo‘q’ degan narsani biz ham qabul qilib, buning yechimini topib, bu masalani hal qilib bo‘lganmiz. Gapirib chiqilgan paytdayoq, 2 kun o‘tib bu narsa hal bo‘lib bo‘lgan. Men uni shaxsan tanimayman. Bu hal bo‘lganini u biladimi, bilmaydimi men bilmayman. Bu narsa menga qiziq ham emas. Shunchaki, menga berilgan vazifani, rolni o‘ynab berishga majburman. Bu mening ishim. O‘zi aslida, Davron Kabulovning o‘zi bilan maslahatlashib, to‘g‘ri keladigan qilib olib chiqish kerak edi. Ayb kimdadir deyotganim yo‘q. Haqiqatan ham biz bilmaganmiz”, — deydi aktrisa.

Shahzoda sahifasiga yangi surat joyladi.

19-noyabr kuni Mirzabek Xolmedovning kenja o‘g‘li Ulug‘bek tug‘ilgan kunini nishonlamoqda. Ushbu kun munosabati bilan unga yaqinlari Volkswagen avtomobilini sovg‘a qildi.

Xonanda Dilso‘z qudalar mavzusida qo‘shiq kuyladi.

O‘zbekiston birinchi xonimining jiyani, Instabloger Diyora Usmonova Glamour butigining “Moda vizionerlari” loyihasining navbatdagi sonida mehmon bo‘ldi hamda kiyinish uslubi qanday shakllanishi haqida so‘zlab berdi.