Instagram: Erining uyini bo‘shatib bergan Ruxshona, Rossiyaga ko‘chib o‘tgan Maryam Tillayeva, uylanayotgan taniqli bloger

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Bollivudning yulduzli juftligi Abhishek Bachchan va Ayshvariya Ray qizlari Aradhyaning tug‘ilgan kunini Maldiv orollarida nishonladi.

Munisa Rizayeva har bir insonda shukronalik hissi bilan yashash uchun o‘nlab sabablar borligiga ishora qiluvchi videoni sahifasiga joyladi.

DJ Piligrim Otabek Umarov bilan birga tushgan suratini sahifasiga joylab, barchani sport bilan shug‘ullanishga chorladi.

Maryam Tillayeva ma’lum muddatga turmush o‘rtog‘i bilan Rossiyaning Moskva shahriga ko‘chib o‘tdi.

Dilso‘z birinchi qor fonida suratga tushib oldi.

Sitora Farmonova qattiq shamollab, shifoxonaga tushib qoldi.

Feruza Normatova kuzatuvchilarini o‘yga toldiruvchi fikrlarini sahifasiga yozib qoldirdi.

18-noyabr kuni xonanda Shoira Otabekova tug‘ilgan kunini nishonlamoqda.

Saida Saidbekova oilaviy suratni sahifasiga joyladi.

“Dili.me” niki ostida ijod qiluvchi bloger Dilshod uylanmoqda.

Zarina Nizomiddinova folloverlariga yangi surat bilan ko‘rinish berdi.

Turmush o‘rtog‘i klipmeyker Sanjar Matkarimov bilan ajrashganini aytgan Ruxshona unga tegishli bo‘lgan uyni bo‘shatib berdi. Xonanda uydan o‘ziga tegishli bo‘lgan mebel va jihozlarni olib chiqib ketgan. Ruxshona folloverlarining “Eringiz bilan yarashish niyatingiz bormi?”, degan savoliga “Yo‘q”, deb javob bergan.

Shohjahon Jo‘rayevning “Bitta bo‘lsin, zo‘r bo‘lsin” qo‘shig‘i AQShdagi to‘yda duet shaklida jarang sochdi.

Taniqli boshlovchi Nilufar Sotiboldiyeva poytaxtdagi restoranlardan birida onasining tug‘ilgan kunini nishonladi. Tug‘ilgan kunda ko‘plab taniqli xonandalar va aktyorlar mehmon bo‘ldi.