Baxtli oila qurishga hech qachon kech bo‘lmasligini isbotlagan mashhur ayollar (foto)

Odatda 20 yoshdan oshgan bo‘lsa-da, turmushga chiqishga shoshmayotgan qizlar atrofida “o‘tirib qolgan” yoki “qari qiz” kabi iboralar yangrar edi. Biroq hozirda bunday qarashlar eskirgan. Darhaqiqat, statistik ma’lumotlarga ko‘ra, G‘arb mamlakatlarida turmush qurish arafasidagi ayollarning o‘rtacha yoshi doimiy ravishda o‘sib bormoqda.

Emi Adams

2015-yilda Emi Adams taxminan 15 yil davomida yaqin munosabatda bo‘lib kelgan sevgilisi Darren Le Gallo bilan oila qurdi. U turmushga chiqayotganida 41 yoshda edi. Emining so‘zlariga ko‘ra, endi sevgilisi “qo‘lga tushgan”. Shuningdek, turmush o‘rtog‘ining maqomi unga kerak bo‘lgan xotirjamlik hissini berdi.

Aktrisa Kemeron Dias rok-musiqachi Benji Medden bilan uchrashgunga qadar umuman turmushga chiqish haqida o‘ylamagandi. Faqatgina Benjini munosib umr yo‘ldoshi sifatida ko‘rdi, shuning uchun u turmush qurish taklifini olganida, javob berishda uzoq vaqt ikkilanmadi. Kameron  42 yoshida Benjining rafiqasiga aylandi.

Salma Xayek

Aktrisa 2009-yil 42 yoshida biznesmen va milliarder Fransua-Anri Pinoga turmushga chiqdi. Jurnalistlar bir necha bor aktrisani manfaat uchun oila qurganlikda ayblagan. Biroq uning o‘zi shunday deydi: “Ular xohlagan narsani o‘ylasin. Biz 10 yildan ortiq vaqt o‘tdiki, birgamiz va sevgimiz tobora kuchayib bormoqda”.

Jeri Xalliuell

“Spice Girls” a’zosi Jeri Xalliuell 2015-yilda Red Bull “Formula 1” jamoasi yetakchisi Kristian Xornerning turmush o‘rtog‘iga aylandi. O‘sha paytda u 42 yoshda edi. Ularning avvalgi oilasidan bolalari ham bo‘lgan va 2017-yilda juftlikning yana bir farzandi dunyoga kelgan.

Reychel Vays

Reychel Vays 41 yoshida turmushga chiqdi. U butun dunyo bo‘ylab millionlab ayollarning sevimli aktyoriga aylangan Deniel Kreyg bilan oila qurdi. Faqat 4 nafar mehmon ishtirok etgan yopiq nikoh marosimida juftlik bir-biriga uzuk taqdi.

Zoi Saldana

Aktrisaning so‘zlariga ko‘ra, uning turmushga chiqishni ortga surishi ota-onasini ranjitgan. Biroq 35 yoshida Zoi bo‘lajak turmush o‘rtog‘ini uchratdi. Bu italiyalik rassom Marko Perego edi.

Jessika Chesteyn

Jessika Chesteyn va Monkler moda brendi rahbari Jan Luka Passi di Prepozulo 2017-yilda turmush qurdi. 40 yoshigacha aktrisa turmush qurish masalasiga qarshi edi. Biroq Jan Luka Jessikaga ta’sir o‘tkazdi va aktrisa o‘z qarashlarini qayta ko‘rib chiqdi.

Helen Mirren

Afsonaviy aktrisa Helen Mirren rejissor Teylor Xekfordga 52 yoshida turmushga chiqdi. Yulduz buni birinchi nikoh uchun oddiy yosh deb hisoblamaydi. Uning so‘zlariga ko‘ra, juda ko‘p yosh qizlar uzoqni o‘ylamay erta turmush quradi va keyinchalik bundan azob ham chekadi. Yosh o‘tgan sari  bunday qarorlar oqilona qabul qilinadi.

Julianna Margulis

“Yaxshi rafiqa” seriali yulduzi Julian Margulis va advokat Kit Libertal 2007-yilda turmush qurgan. Kelin o‘shanda 41 yoshda edi. Aktrisaning aytishicha, u to‘liq bo‘lmagan oilada o‘sgan, shuning uchun u uzoq vaqt davomida turmush qurishning ahamiyatini tushunmagan. Biroq o‘zidan 6 yosh kichik bo‘lgan bo‘lajak turmush o‘rtog‘i bilan uchrashuv hamma narsani o‘z o‘rniga qo‘ydi.

Vanessa Paradi

45 yoshgacha aktrisa turmushga chiqmagan bo‘lsa-da, u Jonni Depp bilan fuqarolik nikohida taxminan 15 yil yashadi. Muxlislar bu juftlikni kun kelib ayrilib ketadi, deb o‘ylamasdi. Ammo qandaydir tarzda aktyorlar ajrashdi. 2018-yilda Vanessa birinchi marta to‘y libosini kiydi. Uning turmush o‘rtog‘i taniqli fransuz rejissori Samyuel Benshetri.

Penelopa Krus

Aktyorlar Penelopa Krus va Xaver Bardem 36 va 41 yoshida turmush qurishdi. To‘ygacha ular bir necha yil davomida uchrashib yurgan, lekin matbuot uchun munosabatlari haqida hech qanday izoh bermadi va hatto buni tasdiqlamagan ham. Shu sababli aktyorlarning nikohi hamma uchun kutilmagan voqea bo‘ldi.

Marsiya Kross

“Umidsiz uy bekalari” seriali yulduzi Marsiya Kross birinchi marta to‘y libosini 44 yoshida kiygan. U broker Tom Maxoniga turmushga chiqdi. To‘ydan ko‘p o‘tmay, aktrisa sun’iy urug‘lantirish yo‘li bilan ikki egizak qizni dunyoga keltirdi. Er-xotin juda ko‘p sinovlarni boshdan kechirdi, ikkisi ham jiddiy kasallikka chalindi, ammo ularga qarshi kurashishga muvaffaq bo‘ldi.

Peris Xilton

2021-yil noyabr oyida 40 yoshli Peris Xilton venchur sarmoyadori Karter Reum bilan turmush qurdi. Ilgari Peris bir necha marta unashtirilgan, ammo har safar u yoki bu sababga ko‘ra nikoh buzilgan. Peris va nihoyat Karterga turmushga chiqdi va muxlislari unga faqat baxt tilamoqda.