Instagram: Улуғбек Холмедовга Volkswagen совға қилишди, Луиза Расулованинг эри борми? Жаҳонгир Отажонов машинасини сотмоқда

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Шоҳруҳхон ўғли Муҳаммад Юсуф билан бирга тушган суратини саҳифасига жойлади.

Умида Мирҳамидова чалларида хизматда бўлди ҳамда мухлисларининг қувончли кунидан фолловерлари учун репортаж тайёрлади.

Хонанда Жаҳонгир Отажонов Toyota Land Cruiser Prado автомобилини сотаётганини маълум қилди.

Юлдуз Усмонова Термиз шаҳрида тўй хизматида бўлди. Хонанда ўзига нисбатан чексиз ҳурматини кўрсатган мухлисларига миннатдорчилик билдирди.

Ҳалима Ибрагимова фолловерларини жума айёми билан табриклади.

Рашид Холиқов рафиқаси, ўғли Темур ва қизи Азиза билан Истанбулда ҳордиқ чиқармоқда.

Юлдуз Ражабова Истанбулдан кўриниш берди.

Бир неча кун аввал Аброр Мухтор Али Луиза Расулова «Миллион»нинг концертида билиб-билмай ўзини никоҳлаб қўйгани, энди унинг эри борлигини айтган эди.

Луиза Расулова Аброр Мухтор Алининг ушбу сўзларига муносабат билдирди.

«Бошқа бу нарса ҳақида тўхталмайман. Домла айтганини қабул қилдик. Бизнинг оилада, яна атрофимизда илми кучли инсонлар кўп. Айтган гаплари қисман тўғри. Ҳақиқатан ҳам, бундай бўлиши мумкин. ‘Динда ҳазил йўқ’ деган нарсани биз ҳам қабул қилиб, бунинг ечимини топиб, бу масалани ҳал қилиб бўлганмиз. Гапириб чиқилган пайтдаёқ, 2 кун ўтиб бу нарса ҳал бўлиб бўлган. Мен уни шахсан танимайман. Бу ҳал бўлганини у биладими, билмайдими мен билмайман. Бу нарса менга қизиқ ҳам эмас. Шунчаки, менга берилган вазифани, ролни ўйнаб беришга мажбурман. Бу менинг ишим. Ўзи аслида, Даврон Кабуловнинг ўзи билан маслаҳатлашиб, тўғри келадиган қилиб олиб чиқиш керак эди. Айб кимдадир деётганим йўқ. Ҳақиқатан ҳам биз билмаганмиз», — дейди актриса.

Шаҳзода саҳифасига янги сурат жойлади.

19 ноябрь куни Мирзабек Холмедовнинг кенжа ўғли Улуғбек туғилган кунини нишонламоқда. Ушбу кун муносабати билан унга яқинлари Volkswagen автомобилини совға қилди.

Хонанда Дилсўз қудалар мавзусида қўшиқ куйлади.

Ўзбекистон биринчи хонимининг жияни, Инстаблогер Диёра Усмонова Glamour бутигининг «Мода визионерлари» лойиҳасининг навбатдаги сонида меҳмон бўлди ҳамда кийиниш услуби қандай шаклланиши ҳақида сўзлаб берди.