Vazirlar Mahkamasining 17-noyabrdagi qaroriga ko‘ra, Abdug‘appor Qirg‘izboyev Nizomiy nomidagi Toshkent davlat pedagogika universitetining rektori etib tayinlandi, deb xabar beradi O‘zA.
2020-yilning fevralidan shu kunga qadar Toshkent davlat pedagogika universiteti rektori lavozimida ishlab kelgan Alisher Umarov lavozimidan ozod etilib, uning o‘rniga Abdug‘appor Qirg‘izboyev tayinlandi.
Shu munosabat bilan Abdug‘appor Qirg‘izboyev Vazirlar Mahkamasining Davlat tilini rivojlantirish departamenti mudiri lavozimidan ozod etilgan. U mazkur lavozimda 2019-yilning noyabridan buyon ishlab kelayotgandi.
Ma’lumot uchun, Abdug‘appor Qirg‘izboyev 1962-yilda Namangan viloyatida tug‘ilgan. 1985-yil Nizomiy nomidagi Toshkent davlat pedagogika institutini tamomlagan, mutaxassisligi — tarix va jamiyat o‘qituvchisi. Tarix fanlari doktori, dotsent.
Mavzuga doir:
Voqea yuzasidan Saida Mirziyoyeva va Komil Allamjonov munosabat bildirib o‘tdi. Saida Mirziyoyeva bunday holatlarni doimo jamoatchilikka ma’lum qilib turilishi uchun Senat, Bosh prokuratura, IIV va OAVning harakatini birlashtiradigan yirik loyiha zarurligini bildirib o‘tdi. Komil Allamjonov bu fikrga qo‘shilishini ma’lum qildi. Oliy va o‘rta maxsus ta’lim vazirligi esa talaba qizga tegajog‘lik qilingani aytilgan universitet rahbariyatiga qat’iy chora ko‘rilishini bildirgandi.
Izoh (0)