Favqulodda vaziyatlar vazirligi ijtimoiy tarmoqlarda Navoiy viloyati Zarafshon tumanida oltin qazish niyatida bo‘lgan 40-50 kishini qum bosib qolgani to‘g‘risida tarqalgan xabarlarga munosabat bildirdi.
Ma’lum qilinishicha, Navoiy viloyati Favqulodda vaziyatlar boshqarmasiga ushbu hodisa yuzasidan xabar kelib tushmagan.
“Hozirda viloyat FVB tegishli xizmatlar bilan hamkorlikda o‘rganish ishlarini olib bormoqda. Vakolatli organlar tomonidan qo‘shimcha ma’lumotlar taqdim etiladi”, — deyiladi munosabatda.
Eslatib o‘tamiz, 2021-yilning yanvarida Jizzaxda oltin rudasini noqonuniy ravishda qazib olishga uringan to‘rt kishini tosh bosib qolgani haqida xabar berilgan edi. Ularning 2 nafari voqea joyida vafot etgan, 2 nafari esa turli xil darajadagi sinish va boshqa tan jarohatlari bilan shifoxonaning jonlantirish bo‘limiga yotqizilgan.
Izoh (0)