“Oliy ta’lim muassasalari rektorlarini lavozimlarga tayinlash to‘g‘risida” hukumat qarori qabul qilindi, deb xabar bermoqda Adliya vazirligining “Huquqiy axborot” Telegram kanali.

Foto: “tdpu.uz”

Qarorga muvofiq, OTMlarda quyidagi o‘zgarishlar amalga oshirildi:

  • Alisher Umarov Toshkent davlat pedagogika universitetining rektori etib tayinlandi va boshqa ishga o‘tishi munosabati bilan Shavkat Sharipov ushbu lavozimdan ozod qilindi.
  • Shavkat Sharipov Jizzax davlat pedagogika institutining rektori etib tayinlandi va shu munosabat bilan Abdug‘ani Xolbekov ushbu lavozimdan ozod qilindi.
  • Bahodir Sobirov Navoiy davlat pedagogika institutining rektori etib tayinlandi va shu munosabat bilan Baxtiyor Doniyorov ushbu lavozimdan ozod qilindi.
  • Sobitxon Turg‘unov Namangan davlat universitetining rektori etib tayinlandi va shu munosabat bilan Muzaffar Esonov Namangan davlat universitetining rektori vazifasini bajaruvchi lavozimidan ozod qilindi.
  • Botir Usmonov Toshkent kimyo-texnologiya institutining rektori etib tayinlandi va boshqa ishga o‘tishi munosabati bilan Shuhrat Mutalov ushbu lavozimdan ozod qilindi.
  • Azamat Shamsiyev Samarqand davlat tibbiyot institutining rektori lavozimidan ozod qilindi.
  • Jasur Rizayev Samarqand davlat tibbiyot institutining rektori etib tayinlandi va shu munosabat bilan Toshkent davlat stomatologiya institutining rektori lavozimidan ozod qilindi.
  • Orifjan Bozorov Qarshi muhandislik iqtisodiyot institutining rektori etib tayinlandi va shu munosabat bilan Nazirila Maxmudov ushbu lavozimdan ozod qilindi.
  • Sharibboy Ergashev Namangan muhandislik-qurilish institutining rektori etib tayinlandi va shu munosabat bilan Shukurjon Kenjaboyev ushbu lavozimdan ozod qilindi.
  • Ma’murjon Otajonov Qo‘qon davlat pedagogika institutining rektori etib tayinlandi va shu munosabat bilan Azizjon Eminov ushbu lavozimdan ozod qilindi.
  • Abdullajon Hamroqulov Astraxan davlat texnika universitetining Toshkent viloyatidagi filiali ijrochi direktori — Filial direktori o‘rinbosari etib tayinlandi.