Bolalikdan kinoda: 18 yoshga to‘lmasidan avval o‘z karyerasini boshlagan Gollivud yulduzlari (foto)

Hozirda ularni mashhur qilgan rollari tufayli taniydiganlar talaygina. Ammo yulduzlarning iste’dodlari bolaligida, hattoki kelajakdagi kasbi haqida o‘ylamagan vaqtidayoq namoyon bo‘lgan.

Kristen Danst

Aktrisa o‘z karyerasini 7 yoshida boshlagan. 1989-yilda u rejissorlar Vudi Allen, Frensis Ford Koppola va Martin Skorseze tomonidan suratga olingan “Nyu-York hikoyalari” filmida rol ijro etgan. Shuningdek, O‘rgimchak odam haqidagi uchta filmda ham ishtirok etgan.

Kristen Styuart

Kristen 9 yoshga to‘lganida unga “O‘n uchinchi yil” filmida suratga tushish taklif qilindi. Aktrisaga mashhurlik keltirgan roli − “Sumerki” kartinasidagi Bella obrazidir.

Rayan Reynolds

1991-yilda aktyor ajrashgan oilalarda giyohvandlikka berilib ketayotgan o‘spirinlar haqidagi “O‘n besh” teleserialida rol ijro etgan. O‘sha vaqtda aktyor 15 yoshda bo‘lgan. Keyinchalik u Dedpul roli bilan mashhurlikka erishgan.

Leonardo Di Kaprio 

Aktyor ilk bora 5 yoshida ekranlarda ko‘rinish bergan. 1979-yilda u “Romper Room and Friends” bolalar dasturida ishtirok etgan. Bir necha yil o‘tgach “O‘sish muammolari” va “Yangi Lessi” seriallarining yulduziga aylangan. Endilikda aktyorga omad keltirgan o‘nlab filmlar mavjud.

Natali Portman

Aktrisa 13 yoshida ilk debyutini ijro etgan. U Lyuk Bessonning “Leon” filmida Matilda obrazida gavdalangan. So‘ngra “Qora oqqush” filmidagi bosh roli uchun “Oskar” mukofotiga sazovor bo‘lgan.

Kristian Beyl

Aktyor 12 yoshida “Anastasiya: Annaning sirlari” serialining yulduziga aylangan. 2011-yilda u “Jangchi” filmidagi ikkinchi darajali roli uchun “Oskar” mukofotini qo‘lga kiritgan.

Riz Uizerspun

1991-yilda 15 yashar Riz “Oydagi odam” filmida kichik rollarning birini ijro etgan. U “Chiziqni kesib o‘tish” filmidagi ijrosi uchun “Oskar” mukofoti bilan taqdirlangan.

Xoakin Feniks

U “Yetti birodarga yetti kelin” filmida rol ijro etganida 7 yoshda edi. Keyinchalik “Gladiator” va “Joker” filmlari bilan tanilgan.

Rayan Gosling

Uning karyerasi 14 yoshida “Siz zulmatdan qo‘rqasizmi?” seriali bilan boshlangan. Shuningdek, “La La Land” filmidagi ijrosi uchun “Oskar” mukofotiga nomzod bo‘lgan.

Elayja Vud

Elayja 8 yoshida birdaniga 3 ta filmda rol o‘ynagan. Hozirda uning eng mashhur roli “Uzuklar hukmdori”dagi Frodo Beggins obrazidir.