Futbol bo‘yicha JCh—2022 saralashining Yevropa mintaqasidagi bir qator o‘yinlari 13-noyabr, shanba kuni o‘tkazildi.
Fransiya terma jamoasi o‘z uyida Qozog‘istonni qabul qildi va raqib darvozasiga javobsiz 8 ta gol urdi. Fransuzlar safida Kilian Mbappe poker qayd etgan bo‘lsa, Karim Benzema dublga erishdi. Adriyen Rabyo va Antuan Grizmann bittadan gol muallifiga aylandi.
Bu g‘alaba orqali Fransiya terma jamoasi JCh—2022 yo‘llanmasini muddatidan avval hal qildi.
Belgiya terma jamoasi Kristian Benteke, Yannik-Ferreyra Karrasko va Torgan Azarning gollari evaziga Estoniyani yengdi. Bu orqali “qizil iblislar” ham mundial yo‘llanmasiga ega bo‘ldi.
Niderlandiya terma jamoasi Chernogoriya maydonida mehmon bo‘ldi. Avvaliga “uchar gollandlar” Memfis Depayning dubli evaziga oldinga o‘tib oldi. Biroq maydon egalari so‘nggi daqiqalarda ikkita gol urib, hisobni tenglashtirdi. Shu tariqa Niderlandiya Jahon Chempionati masalasini so‘nggi turga qoldirdi.
JCh—2022 saralashi
13-noyabr, shanba
Fransiya – Qozog‘iston 8:0
Gollar: 1:0 – 6 Mbappe, 2:0 – 12 Mbappe, 3:0 – 32 Mbappe, 4:0 – 55 Benzema, 5:0 – 59 Benzema, 6:0 – 75 Rabyo, 7:0 – 84, penalti Grizmann, 8:0 – 87 Mbappe.Fransiya – Lyoris, Kunde, Ernandes (Langle, 80), Upamekano, Ernandes, Kante (Tchuameni, 72), Rabyo, Koman (Pavar, 79), Mbappe (Ben-Yedder, 88), Grizmann, Benzema (Diabi, 71).
Qozog‘iston – Pokatilov, Alip, Marochkin, Bistrov (Kairov, 84), Yerlanov, Tapalov (Baytana, 68), Taykenov, Kuat, Jarinbetov, Aymbetov (Jaksilikov, 59), Omirtayev (Vasilyev, 60).
Ogohlantirishlar: Omirtayev (51), Benzema (52), Vasilyev (83).
Belgiya – Estoniya 3:1
Gollar: 1:0 – 11 Benteke, 2:0 – 53 Karrasko, 2:1 – 70 Sorga, 3:1 – 74 Torgan Azar.Belgiya – Kurtua, Vertongen, Denayer, Kastan, Menye (Salemakers, 63), Karrasko (Mertens, 71), Vitsel, de Bryuyne (de Ketelare, 83), Vanaken, Eden Azar (Torgan Azar, 63), Benteke (Origi, 84).
Estoniya – Igonen, Tamm, Paskochiy, Mets, Teniste (Puri, 79), Kreyda, Vasilev (Soomets, 80), Oyamaa (Sinyavskiy, 60), Poom, Anyer (Sappinen, 60), Zenev (Sorga, 67).
Izoh (0)