Braziliya Oliy federal sudi (STF, Konstitutsion sud funksiyalarini bajaradi) ish beruvchilarga o‘z xodimlaridan koronavirus infeksiyasining yangi turiga qarshi emlanganlik to‘g‘risida ma’lumotnoma talab qilishlariga ruxsat berdi. Bu haqda mamlakat oliy sud instansiyasiga tayanib, “TASS” xabar berdi.
“Sudya Luis Robertu Barrozu Mehnat va pensiya ta’minoti vazirligining kompaniyalarga ishchilarni yollash yoki mehnat shartnomalarini uzaytirishda xodimlardan vaksinatsiyadan o‘tganlik bo‘yicha ma’lumotnoma so‘rashni taqiqlagan buyrug‘ining amalga oshirilishini qisman to‘xtatdi. Shu orqali ish beruvchilarga o‘z xodimlardan bu boradagi tasdiqlovchi hujjatni so‘rashga ruxsat beriladi”, — deyiladi xabarda.
Sudyaning fikricha, emlanmagan xodimlarning ish joyida bo‘lishi, “boshqa sog‘lom xodimlarga xavf tug‘dirishi mumkin”. Uning hisoblashicha, bunday holatni jinsiy, irqiy va boshqa sabablarga ko‘ra kamsitishlar bilan bir qatorga qo‘yish to‘g‘ri emas. Shu bilan birga, sudyaning ta’kidlashicha, vaksinatsiyadan o‘tmaslikka faqat tibbiy sabablari bor fuqarolarga istisno mavjud, mehnat shartnomasini esa faqat eng oxirgi chora sifatida buzish kerak.
Barrozu bu kabi qarorni Mehnat partiyasi va Braziliya sotsialistik partiyalari birlashgan so‘l markazchilarning “yashillar” partiyasi da’vosiga ko‘ra qabul qilgan. Avvalroq STF plenumi o‘z qarorlarida majburiy immunizatsiya g‘oyasiga yo‘l qo‘ymagan holda majburiy emlash talablarining qonuniyligini ko‘rsatgan edi.
Braziliya Sog‘liqni saqlash vazirligi ma’lumotlariga ko‘ra, 213 million aholi istiqomat qiladigan mamlakatda 126 million ortiq odam koronavirusga qarshi emlangan. Respublikada koronavirus pandemiyasi boshlanganidan buyon qariyb 22 million kishida COVID-19 tasdiqlangan, 610 ming kishi vafot etgan.
Avvalroq Braziliya senatorlari koronavirus bilan bog‘liq vaziyat sabab prezident Bolsonaruga qarshi ayblovni ma’qullagandi. Bolsonaru va hukumatning boshqa a’zolari kollektiv immunitetga erishish umidida koronavirusning aholi orasida tarqalishiga yo‘l qo‘yganlikda ayblangan.
Izoh (0)