Zelenskiy Gruziya hukumatidan Saakashviliga onasi va yaqinlari bilan ko‘rishish imkoniyatini yaratishni so‘radi

Ukraina prezidenti Vladimir Zelenskiy Gruziya bosh vaziri Irakliy Garibashvili bilan telefon orqali suhbatda Gruziyaning hibsdagi sobiq prezidenti Mixail Saakashviliga nisbatan “nomaqul majburlov choralarini” qo‘llashga yo‘l qo‘yib bo‘lmasligini aytdi. Bu haqda Ukraina davlat rahbari matbuot xizmatiga tayanib, “TASS” xabar berdi.

“Prezident Ukraina fuqarosiga (Mixail Saakashvili) nisbatan noma’qbul majburlov choralarini qo‘llashga yo‘l qo‘yilmasligini ta’kidladi”, — deyildi xabarda.

Qayd etilishicha, Zelenskiy Ukraina fuqarosi Mixail Saakashvilining huquqlarini ta’minlash masalasini ko‘targan va “ular xalqaro huquq normalariga muvofiq to‘liq kafolatlanishi lozim”ligini ta’kidlagan. Zelenskiy Mixail Saakashviliga uning onasi va qarindoshlari, shuningdek, ukrainalik shifokorlar bilan uchrashish imkoniyatini ta’minlash zarurligiga e’tibor qaratgan. “Ukraina har doim o‘z fuqarolarining qonuniy huquqlari va manfaatlarini himoya qiladi”, — ta’kidlagan Zelenskiy.

Gruziya Adliya vazirligida 11-noyabr kuni Saakashvilining qamoqxona kasalxonasiga majburan olib ketilayotgani aks etgan kadrlarni chop etildi. Videoda sobiq prezidentning qarshilik ko‘rsatishga urinayotgani, biroq uni deyarli ko‘tarib, qo‘l va oyoqlaridan ushlab olib ketayotanini ko‘rish mumkin. Shundan so‘ng Saakashvilining advokati sobiq prezident ochlikni to‘xtatishga qaror qilganini, chunki uning noroziligi o‘ziga qarshi “rossiyaliklar va amaldagi hukumatning quroliga aylanib borayotgani”,  uning majburiy kasalxonaga yotqizilgani aks etgan tasvirlar Rossiya telekanallarida namoyish etilganini aytdi.

1-oktabrdan beri Rustavi shahridagi qamoqxonada jazo muddatini o‘tayotgan Saakashvili 8-noyabr kuni Tbilisining Gldani tumanidagi qamoqxona kasalxonasiga yetkazildi. Gruziya sobiq prezidentining ma’lum qilishicha, qamoqdan ko‘chirilganidan keyin uni kaltaklashgan. 8-noyabr kuni Ukraina Tashqi ishlar vazirligi Gruziya rasmiylarini sobiq prezidentni qamoqxona shifoxonasidan fuqarolik shifoxonasiga o‘tkazishga chaqirdi.

Gruziyaning Ukrainadagi elchisi Georgiy Zakarashvili 9-noyabr kuni Ukraina Ombudsmani Lyudmila Denisova bilan Saakashvili atrofidagi vaziyat bo‘yicha mamlakat Tashqi ishlar vazirligi bilan qo‘shimcha maslahatlashuvlar o‘tkazish zarurati yuzasidan uchrashish taklifini qaytarib oldi.

Avvalroq Gruziya bosh vaziri Saakashvilining Ukrainaga topshirilmasligini ma’lum qilgandi.