«Рома» ҳужумчиси Элдор Шомуродов А Серия 12-тури доирасида «Венеция»га қарши кечган баҳсда (3:2) гол урди ва голли узатма амалга оширди.
26 ёшли ўзбекистонлик футболчи учрашувнинг 43-дақиқасида рақиб дарвозасини ишғол қилди. Бу орқали Шомуродов 14 ўйиндан (463 дақиқада) иборат голсиз сериясига нуқта қўйди.
Сўнгги бор Элдор «Рома» сафида Конференциялар Лигаси саралаш босқичида «Трабзонспор» дарвозасини ишғол қилганди.
Бу Шомуродов учун «Рома» сафида А Сериядаги дебют гол бўлди. 2021/22 йилги мавсумда Шомуродов римликларнинг 16 ўйинида майдонга тушиб, 2 та гол урди ва бешта голли узатма амалга оширди.
Изоҳ (0)