Prof boksning supero‘rta vazn toifasida WBA, WBC, WBO kamarlari sohibi Saul “Kanelo” Alvares (57-1-2, 39 KO) 7-noyabr tongida IBF chempioni Kaleb Plantga (21-1, 12 KO) qarshi ringga ko‘tarildi.
Murosasiz o‘tgan jangning 11-raundida Alvares raqibini nokautga uchratdi va faoliyatidagi 57-g‘alabani qayd etdi.
Ushbu g‘alaba orqali “Kanelo” Plantga tegishli IBF kamarini o‘ziniki qilgan holda supero‘rta vazn toifasida mutlaq chempionga aylandi. Shu tariqa Alvares ushbu vazn toifasida mutlaq chempionga erishgan ilk bokschi bo‘ldi.
Qolgan janglar natijasi bilan tanishing:
- Entoni Dirrell (34-2-2, 25 KO) 4-raundda Markos Ernandesni (15-5-2, 3 KO) nokautga uchratdi;
- Elvis Rodriges (12-1-1, 11 KO) beshinchi raunddagi nokaut evaziga Xuan Pablo Romeroni (14-1, 9 KO) yengdi;
- Rey Vargas (35-0, 22 KO) ochkolar hisobiga Leonardo Baesni (21-5, 12 KO) mag‘lub etdi.
Izoh (0)