Qatarning “As-Sadd” jamoasi Xavini qo‘yib yuborish masalasida “Barselona” bilan kelishuvga erishganini tasdiqladi. Bu haqida jamoaning Instagram sahifasida ma’lum qilindi.
Qatar jamoasi shartnomada ko‘rsatilgan tovon puli to‘langanidan keyin Xavining “Barselona”ga o‘tishiga rozi bo‘ldi. Xabarlarga ko‘ra, Xavining tovon puli 5 million yevro tashkil qiladi. Ispaniyalik mutaxassis tez orada “Barselona” bilan shartnoma imzolashi kutilmoqda
“Barselona” bilan kelajakda hamkorlik qilishga kelishib oldik. Xavi “As-Sadd” tarixining bir qismi va biz unga muvaffaqiyat tilaymiz. Bir necha kun oldin u bizga “Barselona”ga o‘tish istagi borligini ma’lum qilgan edi. Unga qadrli bo‘lgan klub og‘ir damlarni boshidan o‘tkazmoqda va biz buni tushunib, unga to‘siq bo‘lmaslikka qaror qildik. Xavi va uning oilasi uchun har doim eshigimiz ochiq va munosabatlarimiz davom etadi.Xavi 1998-yildan 2015-yilga qadar “Barselona” sharafini himoya qilgan. Ftubolchilik faoliyati davomida katalonlar bilan 25 ta sovrin qo‘lga kiritgan. 2015-yilda Xavi “As-Sadd” jamoasiga borib qo‘shilgan. 2019-yilda futbolchilik faoliyatini yakunladi va Qatar klubida murabbiylik qila boshladi. Xavi “As-Sadd” bilan murabbiy sifatida 7 ta sovrinni qo‘lga kiritdi.“As-Sadd” klubi bayonoti
28-oktabr kuni “Barselona” “Rayo Valyekano”ga 0:1 hisobida mag‘lub bo‘lganidan so‘ng Ronald Kumanni iste’foga chiqargandi. Hozirda “ko‘k-anorranglilar”ni “Barselona B” murabbiyi Serxi Barxuan vaqtinchalik boshqarib turibdi.
Jamoa La Ligada 11 o‘yinda 16 ochko jamg‘arib, 9-o‘rinni egallab turibdi. Chempionlar Ligasida esa 4 turdan so‘ng 6 ochko bilan 2-o‘rinda bormoqda.
Izoh (0)