Қатарнинг «Ас-Садд» жамоаси Хавини қўйиб юбориш масаласида «Барселона» билан келишувга эришганини тасдиқлади. Бу ҳақида жамоанинг Instagram саҳифасида маълум қилинди.
Қатар жамоаси шартномада кўрсатилган товон пули тўланганидан кейин Хавининг «Барселона»га ўтишига рози бўлди. Хабарларга кўра, Хавининг товон пули 5 миллион евро ташкил қилади. Испаниялик мутахассис тез орада «Барселона» билан шартнома имзолаши кутилмоқда
«Барселона» билан келажакда ҳамкорлик қилишга келишиб олдик. Хави «Ас-Садд» тарихининг бир қисми ва биз унга муваффақият тилаймиз. Бир неча кун олдин у бизга «Барселона»га ўтиш истаги борлигини маълум қилган эди. Унга қадрли бўлган клуб оғир дамларни бошидан ўтказмоқда ва биз буни тушуниб, унга тўсиқ бўлмасликка қарор қилдик. Хави ва унинг оиласи учун ҳар доим эшигимиз очиқ ва муносабатларимиз давом этади.Хави 1998 йилдан 2015 йилга қадар «Барселона» шарафини ҳимоя қилган. Фтуболчилик фаолияти давомида каталонлар билан 25 та соврин қўлга киритган. 2015 йилда Хави «Ас-Садд» жамоасига бориб қўшилган. 2019 йилда футболчилик фаолиятини якунлади ва Қатар клубида мураббийлик қила бошлади. Хави «Ас-Садд» билан мураббий сифатида 7 та совринни қўлга киритди.«Ас-Садд» клуби баёноти
28 октябрь куни «Барселона» «Райо Вальекано»га 0:1 ҳисобида мағлуб бўлганидан сўнг Рональд Куманни истеъфога чиқарганди. Ҳозирда «кўк-анорранглилар»ни «Барселона Б» мураббийи Серхи Бархуан вақтинчалик бошқариб турибди.
Жамоа Ла Лигада 11 ўйинда 16 очко жамғариб, 9-ўринни эгаллаб турибди. Чемпионлар Лигасида эса 4 турдан сўнг 6 очко билан 2-ўринда бормоқда.
Изоҳ (0)