Ijtimoiy tarmoqlarda yuqori tezlikda harakatlanuvchi “Afrosiyob” poyezdi yo‘lda to‘xtab qolgani, unda “svet” ham o‘chib qolgani haqida xabarlar tarqaldi. “O‘zbekiston temir yo‘llari” matbuot xizmati holat yuzasidan rasmiy ma’lumot berdi.
Unda aytilishicha, 3-noyabr soat 22:23 da Toshkent—Buxoro yo‘nalishidagi 766-sonli reysda harakatlanayotgan “Afrosiyob” poyezdi rejadan tashqari safar davomida bort tizimidagi nosozlik tufayli 4 daqiqaga to‘xtab qolgan.
Poyezd mashinistlari bortdagi barcha qurilmalarni boshqarish tizimini to‘liq qayta ishga tushirgach (perezagruzka qilgach) poyezd o‘z yo‘lida davom etgan va “Buxoro” temiryo‘l vokzaliga yetib borgan. Tarmoqda taralgan video aynan bort tizimini qayta ishga tushirish paytida olingan.
“O‘zbekiston temir yo‘llari”ning qayd etishicha, Ispaniya (Patentes Talgo S.L.U.)da ishlab chiqarilgan yuqori tezlikda harakatlanuvchi poyezdlar harakatni tashkil qilish bilan bog‘liq barcha xavfsizlik talablariga javob beradi.
Izoh (0)