Жанубий Африка Республикасидан бўлган ёзувчи Деймон Гелгут 2021 йилги халқаро Букер мукофотига сазовор бўлди. Тантанали тақдирлаш маросими 3 ноябрь куни Лондонда бўлиб ўтди, деб хабар беради «Korrespondent.net».
Гелгут мукофотни Жанубий Африкада яшовчи оқ танлилар оиласи ҳақида сўзловчи «Ваъда» (The Promise) романи учун олган. Воқеалар 1980 йилларда, вафот этаётган аёл турмуш ўртоғидан фермадаги уйини қора танли хизматкор аёлга беришини сўраганидан бошланади. Эркак ваъдасини бажармайди ва бу бутун оила учун қарийб 30 йил давомида тавқи лаънатга айланади.
Муаллиф нуфузли мукофотдан ташқари, 88,6 минг доллар миқдоридаги мукофотга ҳам лойиқ кўрилган.
Гелгут мукофот учун курашда 2020 йил 1 октябрдан кейин Буюк Британия ёки Ирландияда чоп этилган дунёнинг турли нуқталаридан бўлган 158 кишини ортда қолдирган.
Маълумот учун, халқаро Букер мукофоти 2004 йилда таъсис этилган ва 2016 йилгача икки йилда бир марта ўтказилган. Шундан сўнг у ҳар йили ўтказилиб келинмоқда. 2019 йилда мукофотга уммонлик ёзувчи ва ўқитувчи Жуха Алҳаризий лойиқ кўрилганди.
Изоҳ (0)