U-23 Osiyo kubogi—2022 saralash bosqichidan o‘rin olgan O‘zbekiston U-21 — Kuvayt U-23 uchrashuvi 2-noyabr, seshanba kuni bo‘lib o‘tdi.
Uchrashuvning 37-daqiqasida Diyorbek Rahimqulov hisobni ochdi. Birinchi bo‘limning so‘ngida Hojimat Erkinov o‘zbekistonliklarning ikkinchi goliga mualliflik qildi.
Ikkinchi bo‘lim ham O‘zbekiston yoshlari ustunligida boshlandi. 51-daqiqada Jasurbek Jaloliddinov hisobni yirik ko‘rinishga olib keldi. 65-daqiqada Abdulaziz Mahran hisobni qisqartirishga erishdi. Ammo oradan 3 daqiqa o‘tib, Ulug‘bek Hoshimov penaltidan unumli foydalanib, O‘zbekistonning 4-golini urdi. Uchrashuv so‘ngida Hojimat Erkinov 5-golni urdi va uchrashuvga nuqta qo‘ydi. Shu tariqa O‘zbekiston yoshlari D guruhida birinchi o‘ringa chiqib oldi.
D guruhining ikkinchi o‘yinida Saudiya Arabistoni U23 Bangladesh yoshlarini 3:0 hisobida mag‘lub etdi.
Eslatib o‘tamiz, Osiyo Kubogi—2022 musobaqasi O‘zbekistonda bo‘lib o‘tadi. Shu sabab Temur Kapadze jamoasining ushbu saralash bosqichidagi natijasi O‘zbekistonning Osiyo Kubogidagi ishtirokiga ta’sir qilmaydi.
U-23 Osiyo Kubogi saralashi
3-tur bahslari
2-noyabr, seshanba
Kuvayt U-23 – O‘zbekiston U-21 1:5
Gollar: 0:1 — 37 Diyorbek Rahimqulov, 0:2 — 45+2 Hojimat Erkinov, 0:3 — 51 Jasurbek Jaloliddinov, 1:3 — 65 Abdulaziz Mahran, 1:4 — Ulug‘bek Hoshimov (penalti), 1:5 — 90+4 Hojimat Erkinov.
Kuvayt U-23: 22. Abdulrahmon Marzuq 3. Jasem Al Hamadi 4. Rashid Al Dosari 5. Otman Al Shemeri 6. Abdulaziz Mahran 8. Naser Jazaa 9. Favvaz Alembailesh 11. Eid Alrashidi 14. Yusuf Al Haqan 18. Husayn Moxsen 21. Salmon Albuis.
O‘zbekiston U-21: 21.Hamidullo Abdunabiyev, 2.Saidazamat Mirsaidov, 4.Abubakr Rizo Turdaliyev, 5.Muhammadqodir Hamraliyev, 7.Hojimat Erkinov, 10.Jasur Jaloliddinov, 11.Otabek Jo‘raqo‘ziyev, 13.Eldorbek Begimov, 17.Diyor Xolmatov, 20.Diyorbek Rahimqulov, 22.Alisher Odilov.
Ogohlantirishlar: Mahran (37), Begimov (52), Fayzullayev (90+2)
Izoh (0)