U-23 Осиё кубоги—2022 саралаш босқичидан ўрин олган Ўзбекистон U-21 — Кувайт U-23 учрашуви 2 ноябрь, сешанба куни бўлиб ўтди.
Учрашувнинг 37-дақиқасида Диёрбек Раҳимқулов ҳисобни очди. Биринчи бўлимнинг сўнгида Ҳожимат Эркинов ўзбекистонликларнинг иккинчи голига муаллифлик қилди.
Иккинчи бўлим ҳам Ўзбекистон ёшлари устунлигида бошланди. 51-дақиқада Жасурбек Жалолиддинов ҳисобни йирик кўринишга олиб келди. 65-дақиқада Абдулазиз Маҳран ҳисобни қисқартиришга эришди. Аммо орадан 3 дақиқа ўтиб, Улуғбек Ҳошимов пенальтидан унумли фойдаланиб, Ўзбекистоннинг 4-голини урди. Учрашув сўнгида Ҳожимат Эркинов 5-голни урди ва учрашувга нуқта қўйди. Шу тариқа Ўзбекистон ёшлари D гуруҳида биринчи ўринга чиқиб олди.
D гуруҳининг иккинчи ўйинида Саудия Арабистони У23 Бангладеш ёшларини 3:0 ҳисобида мағлуб этди.
Эслатиб ўтамиз, Осиё Кубоги—2022 мусобақаси Ўзбекистонда бўлиб ўтади. Шу сабаб Темур Кападзе жамоасининг ушбу саралаш босқичидаги натижаси Ўзбекистоннинг Осиё Кубогидаги иштирокига таъсир қилмайди.
U-23 Осиё Кубоги саралаши
3-тур баҳслари
2 ноябрь, сешанба
Кувайт U-23 – Ўзбекистон U-21 1:5
Голлар: 0:1 — 37 Диёрбек Раҳимқулов, 0:2 — 45+2 Ҳожимат Эркинов, 0:3 — 51 Жасурбек Жалолиддинов, 1:3 — 65 Абдулазиз Маҳран, 1:4 — Улуғбек Ҳошимов (пенальти), 1:5 — 90+4 Ҳожимат Эркинов.
Кувайт U-23: 22. Абдулраҳмон Марзуқ 3. Жасем Ал Ҳамади 4. Рашид Ал Досари 5. Отман Ал Шемери 6. Абдулазиз Маҳран 8. Насер Жазаа 9. Фавваз Алембаилеш 11. Эид Алрашиди 14. Юсуф Ал Ҳақан 18. Ҳусайн Мохсен 21. Салмон Албуис.
Ўзбекистон U-21: 21.Ҳамидулло Абдунабиев, 2.Саидазамат Мирсаидов, 4.Абубакр Ризо Турдалиев, 5.Муҳаммадқодир Ҳамралиев, 7.Ҳожимат Эркинов, 10.Жасур Жалолиддинов, 11.Отабек Жўрақўзиев, 13.Элдорбек Бегимов, 17.Диёр Холматов, 20.Диёрбек Раҳимқулов, 22.Алишер Одилов.
Огоҳлантиришлар: Маҳран (37), Бегимов (52), Файзуллаев (90+2)
Изоҳ (0)