Davlat xavfsizlik xizmati va Davlat bojxona qo‘mitasi hamkorligida Toshkent shahrida psixotrop dorilar savdosiga qarshi bir qator tezkor tadbirlar o‘tkazdi.
Xususan, 26-oktabr kuni Toshkent shahrida o‘tkazilgan tezkor tadbirda U.T. va M.M. ismli fuqarolardan kuchli ta’sir qiluvchi psixotrop modda bo‘lgan 7504 dona “Regapen” dori vositasi olib qo‘yilgan. Shuningdek, tadbir davomida U.T.ning kuchli ta’sir qiluvchi dori vositalarini saqlash joyidan 1650 dona “Tropikamid”, 5617 dona “Selofen” va 756 dona “Regapen” dorilari borligi aniqlangan va protsessual tartibda rasmiylashtirib olingan.
Psixotrop moddalar sotish va saqlash yuzasidan 28-oktabr kuni yana bir holat qayb etilgan bo‘lib, J.Z., K.J. va X.K. ismli fuqarolar tezkor tadbir davomida ushlanib, ulardan 1310 dona “Tropikamid”, 2100 dona “Regapen” va 510 dona “Selofen” dori vositalari olib qo‘yilgan.
Bundan tashqari, 30-oktabr kuni o‘tkazilgan tezkor tadbirda fuqarolar Sh.Sh. va Sh.M.ning avtomashinasi ko‘zdan kechirilganda undan 2000 dona “Tropikamid”, yashash manzilidan esa 4070 dona “Selofen” va 300 dona “Zardeks” kuchli ta’sir qiluvchi dori vositalari aniqlangan.
Hozirda mazkur holatlar yuzasidan tergov-surishtiruv jarayonlari olib borilmoqda.
Avvalroq Toshkentda geroinni mijozlar uchun aytilgan joylarga berkitib qo‘yish bilan shug‘ullangan 19 yoshli yigit ushlangani, Buxorolik haydovchi ko‘p miqdordagi giyohvand modda bilan qo‘lga olingani, DXX Buxoro, Farg‘ona va Namangan viloyatlarida giyohvand moddalar savdosi bilan shug‘ullangan bir necha shaxsni ushlangani to‘g‘risida xabar berilgandi.
Izoh (0)