Давлат хавфсизлик хизмати ва Давлат божхона қўмитаси ҳамкорлигида Тошкент шаҳрида психотроп дорилар савдосига қарши бир қатор тезкор тадбирлар ўтказди.
Хусусан, 26 октябрь куни Тошкент шаҳрида ўтказилган тезкор тадбирда У.Т. ва М.М. исмли фуқаролардан кучли таъсир қилувчи психотроп модда бўлган 7504 дона «Регапен» дори воситаси олиб қўйилган. Шунингдек, тадбир давомида У.Т.нинг кучли таъсир қилувчи дори воситаларини сақлаш жойидан 1650 дона «Тропикамид», 5617 дона «Селофен» ва 756 дона «Регапен» дорилари борлиги аниқланган ва процессуал тартибда расмийлаштириб олинган.
Психотроп моддалар сотиш ва сақлаш юзасидан 28 октябрь куни яна бир ҳолат қайб этилган бўлиб, Ж.З., К.Ж. ва Х.К. исмли фуқаролар тезкор тадбир давомида ушланиб, улардан 1310 дона «Тропикамид», 2100 дона «Регапен» ва 510 дона «Селофен» дори воситалари олиб қўйилган.
Бундан ташқари, 30 октябрь куни ўтказилган тезкор тадбирда фуқаролар Ш.Ш. ва Ш.М.нинг автомашинаси кўздан кечирилганда ундан 2000 дона «Тропикамид», яшаш манзилидан эса 4070 дона «Селофен» ва 300 дона «Зардекс» кучли таъсир қилувчи дори воситалари аниқланган.
Ҳозирда мазкур ҳолатлар юзасидан тергов-суриштирув жараёнлари олиб борилмоқда.
Аввалроқ Тошкентда героинни мижозлар учун айтилган жойларга беркитиб қўйиш билан шуғулланган 19 ёшли йигит ушлангани, Бухоролик ҳайдовчи кўп миқдордаги гиёҳванд модда билан қўлга олингани, ДХХ Бухоро, Фарғона ва Наманган вилоятларида гиёҳванд моддалар савдоси билан шуғулланган бир неча шахсни ушлангани тўғрисида хабар берилганди.
Изоҳ (0)