Rossiyaning eng yirik aviakompaniyalaridan biri “Aeroflot” Namangan xalqaro aeroportiga ilk parvozini amalga oshirdi. Bu haqda “Daryo” muxbiri Azizbek Abduvaliyev xabar bermoqda.
Aviakompaniya Airbus A320 rusumli havo kemasida 2-noyabr kuni tongda Sankt-Peterburg—Namangan yo‘nalishida 155 nafar yo‘lovchini gullar shahriga yetkazdi.
Aeroportda ushbu reys tantanali kutib olindi va o‘ziga xos suvli arka hosil qilindi. Bu aeroportga ilk marotaba qo‘ngan aviakompaniyaga ehtirom ramzi hisoblanadi.
Oradan ikki soat o‘tib mazkur samolyot 157 nafar yo‘lovchi bilan Namangan—Sankt-Peterburg yo‘nalishida uchib ketdi.
Namangan xalqaro aeroporti matbuot kotibi Sitora Abdug‘aniyevaning “Daryo”ga ma’lum qilishicha, “Aeroflot” haftasiga ikki kun — seshanba va juma kunlari Sankt-Peterburg—Namangan—Sankt-Peterburg yo‘nalishida parvozlarni amalga oshirishni rejalashtirgan.
Izoh (0)